मुंबई: काँग्रेसला (Congress) वगळून मोदीं विरोधातली लढाई यशस्वी होणार नाही. विरोधी पक्षांच्या आवाजाला जी बळकटी मिळतेय ती काँग्रेसमुळेच आहे असा घणाघात राज्याच्या महिला व बालविकास मंत्री ॲड. यशोमती ठाकूर (Yashomati Thakur) यांनी भाजपला (BJP) केला. त्यांनी ट्विट करत भाजपवर हल्लाबोल केला आहे.

पंजाबनंतर आता उत्तर प्रदेशातील विधानसभा निवडणूकांमध्ये विजय मिऴवण्यासाठी भाजपने आपली ताकद पणाली लावली आहे. पंतप्रधान नरेंद्र मोदी (Narendra Modi) यांनी काॅंग्रेसवर निशाणा साधला आहे.निवडणूक हरणारी कुटुंबे आता जातीच्या नावावर विष पसरवतील. हे लोक असे आहेत जे खुर्चीसाठी कुटुंबासोबत लढतील असा आरोप मोदींनी केला आहे. याला प्रत्यूत्तर ॲड. यशोमती ठाकूर यांनी दिले आहे.

भाजपवर निशाणा साधताना यशोमती ठाकूर म्हणाल्या, काँग्रेसला वगळून मोदीं विरोधातली लढाई यशस्वी होणार नाही. काँग्रेसने अतिशय प्रामाणिकपणे 'संघी' अजेंड्या विरोधात लढाई लढली आहे. आज देशात बदलाचे जे वारे वाहत आहे, विरोधी पक्षांच्या आवाजाला जी बळकटी मिळते ती काँग्रेसमुळेच आहे असा टोला ही त्यांनी लगावला.