मुंबई - शिवप्रतिष्ठानचे संभाजी भिडे यांच्या वादग्रस्त विधानामुळे महाराष्ट्रात पुन्हा एकदा वाद निर्माण झाला आहे. संभाजी भिडे यांनी अमरावतीत महात्मा गांधीविषय़ी वादग्रस्त विधान केलं आहे. यावरून काँग्रेस आमदार यशोमती ठाकूर यांनी सरकारवर जोरदार टीका केली आहे.

यशोमती ठाकूर म्हणाल्या की, महाराष्ट्रामध्ये जातीय वादी तंटे वाढवण्यासाठी सगळ्या गोष्टी होत आहेत का ? मुख्यमंत्री एकनाथ शिंदे आणि दोन्ही उपमुख्यमंत्री शिवप्रतिष्ठानचे संभाजी भिडे यांना का अभय देतायत? महाराष्ट्राची शांतता संपवायची का ? असा सवालही त्यांनी केला.

सरकार संभाजी भिडेंना अभय का देतय?, असा सवाल करत पुन्हा एकदा संभाजी भिडे यांनी असं काही करायचा प्रयत्न केला तर महाराष्ट्र बघुन घेईन, असा इशारा यशोमती ठाकूर यांनी दिला.

महात्मा गांधी यांचे वडील जमीनदार होते. मात्र त्यांचे वडील हे मुस्लीम होते, असं वादग्रस्त विधान भिडे यांनी केले होते.