नवी दिल्ली : जंतरमंतरवर आंदोलनस्थळी आलेल्या काही शीख निहंगांची ‘सीजेपी’च्या कार्यकर्त्यांशी झटापट झाली. पोलिसांनी वेळीच मध्यस्थी करत परिस्थिती आटोक्यात आणली. दरम्यान गेल्या महिनाभरापासून आंदोलनाचे नेतृत्व करीत असलेल्या अभिजित दिपके यांनी तब्येत बरी नसल्यामुळे काही वेळ आपण आराम करत असल्याचे सांगितले आहे. ‘‘व्यासपीठावर आपण दिसलो नाही तर त्यामुळे व्यथित होऊ नका. मी तुमच्यासोबत आहे,’’ असा संदेश त्यांनी दिला.
