Mahadev Jankar: माजी मंत्री महादेव जानकर यांना पंतप्रधान पदाचे वेध लागले आहे. मराठा आरक्षणाचा मुद्दा राज्य सरकारच्या हातात नाही. मला पंतपधान करा, दिल्लीत रासपची सत्ता आणा, आरक्षणाचा मुद्दा दहा मिनिटात सोडवतो, असे महादेव जानकर यांनी म्हटले आहे. यामुळे राजकीय वर्तुळात चर्चेला उधाण आलं आहे.

पंतप्रधान ज्याच्या बाजूने असतो त्याबाजूने निर्णय असतात. मला पंतप्रधान करा, यशवंतराव चव्हाणसाहेब नाही झालेत. मला संधी द्या. दहा मिनिटात आरक्षणाचा प्रश्न सोडवतो.आम्ही बेरोजगारीचा प्रश्न देखील सोडवू. सर्व प्रश्न सोडून १५ लाख नाही तर किमान १५ हजार तरी आम्ही शेतकऱ्यांच्या खात्यात टाकू, असे महादेव जानकर म्हणाले. (Latest Marathi News)

बळीराजा शेतकरी संघटनेने ऊस व दूध दराबाबत सरकारचे लक्ष वेधण्यासाठी रॅली काढण्यात आली. त्यासाठी जानकर येथे आले होते. ज्येष्ठ नेते यशवंतराव चव्हाण यांच्या समाधिस्थळी त्यांनी अभिवादन केले. यावेळी जानकर बोलत होते.

महादेव जानकर यांनी शेतकऱ्यांच्या मुद्द्यावर देखील सरकारवर टीका केली. एका दाण्याचे हजार दाणे करण्याची ताकत असणाऱ्या शेतकऱ्याला राज्यकर्त्याकडे भिक मागावी लागते ही दुर्दैवाची बाब आहे. ही सिस्टीम बदलली पाहिजे. राज्याचे मुख्यमंत्री, उपमुख्यमंत्र्यांनी शेतकऱ्यांची दिवाळी गोड होण्यासाठी शेतकऱ्यांच्या मागण्यांबाबत सकारात्मक निर्णय घ्यावा, असे महादेवर जानकर म्हणाले.