मुंबई - राज्याचे उपमुख्यमंत्री आणि भाजपनेते देवेंद्र फडणवीस यांनी आज उद्धव बाळासाहेब ठाकरे शिवसेना पक्षावर जोरदार हल्लाबोल केला. यावेळी त्यांनी बाळासाहेब ठाकरे यांचे नातू आदित्य ठाकरे यांच्यावर कधीनव्हे तो कडाडून टीका केली. तसेच तुम्हाला बाळासाहेबांशी नातं सांगण्याचा अधिकार नसल्याचं फडणवीस म्हणाले. (Devendra Fadnavis news in Marathi)
शिवसेना नेते आदित्य ठाकरे यांनी काही दिवसांपूर्वीच काँग्रेस नेते राहुल गांधी यांच्या भारत जोडो यात्रेत सहभाग नोंदवला होता. याच यात्रेत राहुल गांधी यांनी वि.दा. सावरकर यांच्यावर टीका केली होती. हाच धागा पकडून फडणवीस यांनी आदित्य यांच्या भारत जोडो यात्रेतील सहभागावर टीका केली.
फडणवीस म्हणाले की, राहुल गांधी यांनी सावरकर यांच्यावर अत्यंत खालच्या भाषेत टीका केली. त्याच राहुल गांधींच्या भारत जोडो यात्रेत आदित्य ठाकरे यांनी हजेरी लावली. हे पाहून बाळासाहेबांना काय वाटलं असेल, असा प्रश्न फडणवीस यांनी उपस्थित केला. तसेच बाळासाहेबांशी नातं सांगण्याचा तुम्हाला अधिकार नाही, असंही फडणवीस म्हणाले. यावेळी त्यांनी एकनाथ शिंदेच बाळासाहेबांचे खरे वारसदार असल्याचं म्हटलं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.