यावर्षीच्या साहित्य विषयातील नोबेल पुरस्काराची घोषणा करण्यात आली आहे. जॉन फॉस्से यांना हा पुरस्कार देण्यात आला आहे. नॉर्वेजियन लेखक जॉन यांनी स्वतःची लेखन पद्धती विकसित केली आहे. 'फॉस्से मिनिमिलजम' या नावाने ही पद्धत ओळखली जाते.

नाविन्यपूर्ण नाटक लेखन केल्याबद्दल, तसंच आपल्या लिखाणातून कित्येक उपेक्षितांना आवाज मिळवून दिल्याबद्दल जॉन यांना हा पुरस्कार देण्यात आला आहे.

फॉस्से यांच्या लिखाणात आपल्या दैनंदिन जीवनात होणाऱ्या घटनांचं चित्रण सादर करण्यात आलं आहे. त्यांच्या लिखाणातून मजबूत भाषिक आणि स्थानिक संबंध दिसून येतात. हतबलता, भीती, नैराश्य अशा शक्तिशाली मानवी भावना अगदी सोप्या शब्दांमध्ये मांडण्याचं कौशल्य फॉस्से यांच्या लिखाणात दिसून येतं. असं मत यावेळी ज्युरींनी व्यक्त केलं.