Aamir Khan Salman Khan Video: सनी देओलचा धाकटा मुलगा राजवीर देओल आणि पूनम ढिल्लनची मुलगी पलोमा यांचा 'दोनो' हा सिनेमा गेल्या काही दिवसांपासून सोशल मीडियावर या चित्रपटाची चर्चा आहे.

सूरज बडजात्या यांचा मुलगा अवनीश बडजात्या दिग्दर्शित या चित्रपटाचे स्पेशल स्क्रिनिंगकाल पार पडले. भव्य स्क्रिनिंगमध्ये अनेक बॉलिवूड सेलिब्रिटी दिसले होते.

या सर्व सेलिब्रिटींमध्ये लक्ष वेधून घेतलं ते बॉलिवूडचे दोन खान सलमान खान आणि शाहरुख खान यांनी. यावेळी आमिर खान त्याचा मुलगा जुनैदसोबत पोहोचला होता, तर सलमान खानही या कार्यक्रमात दिसला होता.

यादरम्यान आमिर आणि सलमान खान यांनी एकमेकांना मिठी मारली. सध्या त्याचा व्हिडिओ सध्या सोशल मीडियावर व्हायरल होत आहे. यादरम्यान आमिरने त्याचा मुलगा जुनैद खानची सलमानशी ओळख करून दिली. त्यानंतर या तिघांनीही मीडियासमोर एकत्र पोज दिली.

यामध्ये सलमान खान ब्लॅक पँट आणि शर्टमध्ये खूपच मस्त दिसत आहे, तर आमिर खानचा नवा लूकही पाहायला मिळाला.

सलमान खान आणि आमिर खानला एकत्र पाहून दोघांचे चाहते खुप खूश आहेत. या व्हिडिओला नेटकरी कमेंट करत आहेत. तर दोघांना पाहिल्यानंतर अनेकांनी त्याच्या मैत्रीचे कौतुक केले तर काहींनी त्यांना 'अंदाज अपना-अपना' ची आठवण करून दिली आहे. अनेकांनी त्याच्याकडे 'अंदाज अपना-अपना' 2 तयार करण्याची विनंती केली आहे.

'दोनो' हा राजश्री प्रॉडक्शन आणि जिओ स्टुडिओ यांचा एकत्रित प्रोजेक्ट आहे, ज्यामध्ये सूरज बडजात्या क्रिएटिव्ह मेकर आहेत तर चित्रपटाचे संगीत शंकर-एहसान-लॉय यांनी दिले आहे, गीत इर्शाद कामिल यांचे आहेत. यात राजवीर देओल देवच्या भूमिकेत आहे तर पलोमा मेघनाची भूमिका साकारत आहे.