मुंबई ः मिस्टर परफेक्शनिस्ट अशी ओळख असलेल्या अभिनेता आमिर खानच्या प्रत्येक चित्रपटाची प्रेक्षक नेहमीच आतुरतेने वाट बघत असतात. गेल्या वर्षी अर्थात आपल्या वाढदिवशी त्याने "लालसिंग चड्ढा" या चित्रपटाची घोषणा केली होती. या चित्रपटाचे अर्धे शूटिंगदेखील झाले होते. पण कोरोनामुळे या शूटिंगला ब्रेक लागला. आता या चित्रपटाचे शूटिंग पुन्हा सुरू होऊन अभिनेता आमिर खान पुन्हा सेटवर परतला आहे. 'लालसिंग चड्ढा' या चित्रपटाचे शूटिंगसाठी आमिर नुकताच तुर्कीला रवाना झाला आहे. या सिनेमात करीना कपूर खान देखील मुख्य भूमिकेत दिसणार आहे. 'लालसिंग चड्ढा' हा टॉम हॅन्क्सच्या 'फॉरेस्ट गम्प' या इंग्लिश चित्रपटावर आधारित आहे.
आमिर खानचे विमानतळावरील काही फोटो सोशल मीडियावर व्हायरल झाले आहेत. तो विमानतळावर तसेच हॉटेलमध्ये कर्मचाऱ्यांसोबत मास्कसह आणि मास्कशिवाय पोज देताना दिसला. तुर्की विमानतळावर त्याचे फुलांचा गुच्छ देऊन स्वागत करण्यात आले आणि आता बातमी अशी आली आहे की हा चित्रपट पुढील वर्षी अर्थात २०२१ मध्ये ख्रिसमसला प्रदर्शित होत आहे. खरे तर हा चित्रपट यावर्षी ख्रिसमसला प्रदर्शित होणार होता. मात्र कोरोनामुळे चित्रीकरणच ठप्प झाल्यामुळे त्याचे प्रदर्शन पुढील वर्षी डिसेंबर महिन्यात केले जाणार आहे.
'लालसिंग चड्ढा'मध्ये आमीर खानबरोबरच करिना कपूर, विजय सेठूपती आणि मोना सिंग देखील मुख्य भूमिकेत आहेत. यापूर्वी चंदीगडमध्येही या चित्रपटाचे चित्रीकरण करण्यात आले होते. तसेच आमिरने कोलकाता, केरळ, जैसलमेर, गोवा आणि हिमाचल प्रदेशमध्येही या चित्रपटाचे शूटिंग केले आहे.
-------------------------------------------------------
( संपादन - तुषार सोनवणे )
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.