अभिनेत्री अलका कुबल. मराठी मनोरंजन विश्वातील एक मोठं नाव. कित्येक चित्रपट, कित्येक मालिका अजरामर केलेली ही अभिनेत्री मनोरंजन क्षेत्रात आजही तितकीच सक्रिय आहे. मग ती 'आई माझी काळूबाई' मालिका असो किंवा 'धुरळा' सारखा दर्जेदार चित्रपट. अलका ताईंनी त्यांच्या अभिनयाची जादू कायमच दाखवली आहे. अलका कुबल म्हणजे रडणारे आणि रडवणारे सिनेमे अशी कितीही टीका त्यांच्यावर झाली तर चाहताव वर्ग कमी झालेला नाही. त्यांच्या अजरामर चित्रपटांपैकी एक म्हणजे 'माहेरचा साडी'. महाराष्ट्राच्या या आदर्श सूनेकडे नेमक्या साड्या किती आणि त्यातल्या माहेरच्या किती हे माहितीय तुम्हाला.. आज जाणून घेऊया..

(actress alka kubal said about maherchi sadi in bus bai bus show on zee marathi)

महाराष्ट्रात चित्रपटांच्या इतिहासातील एक महत्वाचा चित्रपट म्हणजे 'माहेरची साडी'. अलका कुबेर कुबल यांचा हा चित्रपट जवळजवळ २५ आठवडे तुफान चित्रपटगृहात चालत होता, असे म्हणतात. या चित्रपटाने घराघरातील महिलांना अक्षरशः रडवले. हा चित्रपट इतका गाजला की 'माहेरची साडी' माहित नाही असा कुणीही नाही. या चित्रपटापासून अलका ताईंची आदर्श सून म्हणून झालेली ओळख आजही तशीच आहे. पण अलका ताईंकडे खऱ्या आयुष्यात माहेरच्या साड्या किती हे माहित आहे का? (alka kubal saree collection)

पण या प्रश्नाचं उत्तर लवकरच तुम्हाला मिळणार आहे. कारण झी मराठीवर 'बस बाई बस' ही नवी मालिका सुरू होत आहे. या मालिकेत महिला कलाकार सहभागी होणार असून या महिला कलाकारांना इतर महिलांच्या मनातले प्रश्न विचारले जाणार आहेत. या कार्यक्रमात अभिनेत्री अलका कुबल सहभागी होणार असून त्यांच्या आयुष्यातील अनेक माहीत नसलेल्या गोष्टी या निमित्ताने उघड होणार आहे. येत्या 29 जुलै पासून ही गप्पांची भन्नाट मैफल प्रेक्षकांच्या भेटीला येणार आहे.