मुंबई - बॉलीवू़डमध्ये अमिताभ यांना जेवढा मानणारा वर्ग आहे तेवढाच दाक्षिणात्य चित्रपटांमध्ये कमल हसन यांच्या शब्दालाही मान आहे. त्यांचा चाहतावर्ग मोठा आहे. सोशल मीडियावर अॅक्टिव्ह असणारे कलावंत म्हणूनही कमल हसन यांचा उल्लेख करावा लागेल. आता ते चर्चेत आले आहे याचे कारण म्हणजे त्यांचा राजकीय प्रवास. त्यांनी आता एका राजकीय पक्षात प्रवेश केला आहे. दुसरीकडे त्यांनी आगामी विधानसभेच्या निवडणूकांसाठी आपली उमेदवारीही जाहीर केली आहे. मक्कम निधी मैय्यम, एमएनएम (Makkal Needhi Maiam) च्या पक्षाचे प्रमुख म्हणून त्यांनी नुकताच निवडणूकीचा फॉर्मही भरला आहे.
गेल्या काही दिवसांपासून कमल हसनच्या राजकीय प्रवासाची चर्चा सुरु होती. आता तो प्रवास कितपत यशस्वी होणार हे पाहणे उत्सुकतेचे ठरणार आहे. य़ापूर्वी अभिनेता रजनीकांत यांनीही आपण राजकारणात येणार असल्याचे सांगितले होते. त्यानंतर चाहत्यांनी मोठ्या प्रमाणात आनंद व्यक्त केला होता. मात्र रजनीकांत यांनी आपण तो निर्णय मागे घेणार असल्याचे सांगितल्यानंतर चाहत्यांची निराशा झाली होती. आता ती उणीव कमल हसन यांनी भरुन काढली आहे. त्यांचा राजकीय प्रवेश यामुळे काही राजकीय समीकरणे नक्की बदलणार आहेत.
कोईम्बतुरच्या दक्षिण भागातून त्यांनी विधानसभेसाठी फॉर्म भरला आहे. येत्या काही दिवसांत या निवडणूका पार पडणार आहेत. यावेळी कमल हसन यांनी आपली संपत्ती जाहिर केली आहे. त्यात त्यांनी स्थावर मालमत्ता 134 कोटी रुपये, जंगम मालमत्ता 45 कोटी रुपये एवढी दाखवली आहे. त्या प्रतिज्ञापत्रात असे सांगितले आहे. त्यात कमल हसन यांनी 2019-20 साली 22.1 कोटी रुपयांचा टॅक्सही भरला आहे. आपल्या जंगम मालमत्तेच्या संदर्भात कमल यांची बॅकेत 2.43 कोटी रुपयांच्या ठेवीही आहेत. याशिवाय विमा, म्युच्युअल फंडमध्येही त्यांची गुंतवणूक आहे. त्यांच्याकडे बीएमडब्ल्य़ु आणि लेक्सस एल एक्स 570 नावाची गाडीही आहे. असेही त्यात नमुद करण्यात आले आहे.
कमल हसननं काही शेतीही खरेदी केली आहे. ज्याची किंमत सध्याच्या घड़ीला 17.79 कोटी रुपये एवढी आहे. त्याची चेन्ंनईमध्ये जी इमारत आहे त्याची सध्या असणारी किंमत 92.05 कोटी रुपये एवढी आहे. कमल हसन यांनी परदेशातही काही प्रमाणात गुंतवणूक केली आहे. त्यांनी लंडनमध्ये प्रॉपर्टी केली आहे. त्याची सध्याची किंमत 2.5 कोटी रुपये एवढी आहे. असे म्हटले जाते की एमएनएम पक्षाचा मुख्यमंत्र्याचा चेहरा म्हणूनही कमल हसन यांच्याकडे पाहिले जात आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.