Onkar Bhojane Video: मराठी मनोरंजन विश्वात अभिनेता ओंकार भोजने हा चर्चेत असतो. महाराष्ट्राची हास्यजत्रा या कार्यक्रमातुन घरघरात पोहचलेला ओंकार हा नेहमी प्रसिद्धीच्या झोतात असतो. त्याने महाराष्ट्राची हास्यजत्रा शो सोडल्यानंतर त्याच्यावर टिकाही झाली होती.

त्यानंतर तो 'फू बाई फू' मध्ये गेला. टीका झाली मात्र ओंकारनं त्यानंतर कधी मागे वळून पाहिलं नाही. तो 'सरला एक कोटी' या चित्रपटातही दिसला. त्याचा हा चित्रपट बॉक्स ऑफिसवर चांगली कमाई करु शकला नसला तरी त्याच्या भुमिकेचं अन् अभिनयाचं प्रेक्षकांनी आणि समिक्षकांनी तोंड भरुन कौतुक केलं.

सध्या त्याचं 'करून गेलो गाव' धम्माल विनोदी नाटक प्रेक्षकांच्या भेटीला आले आहे. या नाटकात काम करत आहे. 'मालवणी' बोली भाषेतील हा भन्नाट कॉमेडी ड्रामा आहे.

ओंकार हा उत्तम अभिनेत्याबरोबरच उत्तम कवी देखील आहे. त्याच्या कविता बऱ्याचदा सोशल मिडियावर व्हायरल होत असतात. ओंकारनं पुन्हा एक कविता सादर केली. या त्याच्या या कवितेचा व्हिडिओ सध्या तूफान व्हायरल होत आहे.

ओंकार भोजनेने एका कार्यक्रमात उपस्थित प्रेक्षकांसमोर बोलताना एक कविता सादर केलीय. ही कविता सध्या चांगलीच व्हायरल झालीय. या कवितेत ओंकार म्हणतो,

"Talent ची आमच्या गावभर चर्चा

नाही मोठेपणाचा आव रे

कुणी निंदा कुणी भी वांदा

चिपळूण आमचं गाव रे"

उपस्थितांसमोर ही कविता ओंकारने सादर केलीय. ओंकारच्या या कवितेला उपस्थित प्रेक्षकांनी मनमुराद दाद दिली. हा जुना व्हिडिओ असून ओंकारने सरला एक कोटीच्या प्रमोशन दरम्यान ही कविता एका कार्यक्रमात सादर केलीय.

या कवितेखाली ओंकारच्या फॅन्सनी कमेंट केलीय. याआधीही ओंकारच्या एका कवितेचा व्हिडिओ सोशल मीडियावर व्हायरल झाला होता. 'तुझीच तुला पुरी करायची, हौस आकाशी उंच उडायची' , तसेच ‘तू दूर का… अशी तु दूर का.. मी असा मजबूर का’ असे या कवितेचे शब्द होते.