Pushkar Jog News: पुष्कर जोग हा मराठी मनोरंजन विश्वातील अनुभव. पुष्कर जोग गेली अनेक वर्ष विविध सिनेमांमधून लोकांच्या भेटीला आलाय. 'जबरदस्त', 'मिशन पॉसिबल', 'बापमाणूस' अशा विविध विषयांवरच्या सिनेमांमधून पुष्करने चाहत्यांचं प्रेम मिळवलं.

नुकताच पुष्करने सोशल मीडियावर संतापजनक अनुभव शेअर केलाय. यामुळे सोशल मीडियावर प्रतिक्रिया येत आहेत. काय घडलंय बघा.

तिने माझी जात विचारली अन्.. पुष्करचा अनुभव

पुष्करने सोशल मीडियावर लिहीलंय की, "काल बीएमसीच्या काही कर्मचारी.. माझ्या घरी आल्या आणि मला सर्व्हे करतोय म्हणून माझी जात विचारत होते. ते जर बाई माणूस नसते तर २ लाथ नक्कीच मारल्या असत्या.. कृपया करुन मला हा प्रश्न पुन्हा विचारू नका otherwise जोग बोलणार नाहीत डायरेक्ट कानाखाली मारतील. #जोगबोलणार"

असा अनुभव पुष्करने शेअर केलाय. यावर विविध स्तरांमधून प्रतिक्रिया येत आहेत.

पुष्करने व्यक्त केली ही इच्छा

पुष्करने पुढे इच्छा व्यक्त केलीय की, "My next aim is to make a marvel kind movie in marathi.. Get nominated at the oscars .. Win it for my country & say ही माझी मराठी फिल्म.. जय हिंद जय महाराष्ट्र.."

अशाप्रकारे एखादी मराठी फिल्म मार्व्हल्स सुपरहिरोसारखी भव्यदिव्य करावी, अशी पुष्करची इच्छा आहे.