akshaya gurav: अभिनेत्री अक्षया गुरवने अनेक मालिका व चित्रपटांतून प्रेक्षकांचं मनोरंजन केलं आहे. ‘लव्ह लग्न लोचा’ या मालिकेमुळे प्रसिद्धी झोतात आलेली अशी ही मराठमोळी अभिनेत्री अक्षया सोशल मीडियावरही फार सक्रिय असते. अक्षयाने नुकतेच बोल्ड फोटोशूट करत सोशल मीडियावरील चाहत्यांना त्याची झलक दिली आहे. पण बोल्ड फोटोशूट तिला चांगलेच महागात पडले आहे. या फोटोला नेटकऱ्यांनी चांगलेच ट्रोल केले आहे.

(actress Akshayaa Gurav troll for bold photoshoot)

या फोटोमध्ये अक्षयाने पांढऱ्या रंगाचा शर्ट घातला आहे. यावेळी तिने शर्टाची बटनं उघडी ठेवली आहे. त्यामुळे तीचा हॉट लुक काहींना पचनी पडलाय तर काहींनी अक्षयाचे हे फोटो पाहून चाहत्यांनी तिला फारशा बऱ्या प्रतिक्रिया दिल्या नसल्याचं दिसून येत आहे. अक्षयाने केलेल्या या बोल्ड फोटोशूटमुळे चाहत्यांनी तिला ट्रोल केले आहे.

या फोटोवर चाहते संतापले आहेत. एकाने कमेंट करत ‘‘तुझ्याकडून ही अपेक्षा नव्हती. जेव्हा कलाकारांना काम मिळत नाही, तेव्हा ते शरीर प्रदर्शन करुन काम मिळवण्याचा प्रयत्न करतात’’, असे म्हटले आहे. तर दुसऱ्याने ‘‘अक्षया शरीर प्रदर्शन ही फॅशन नसून विकृती आहे. जी समाजाला अधोगतीकडे घेऊन जात आहे. त्यात आज तूसुद्धा तुझं योगदान दिलं आहेस’’, अशी प्रतिक्रिया दिली आहे. तर काहींनी हे अजिबात पटलं नाही असंही म्हंटलय. त्यामुळे तिच्या या फोटोची भलतीच चर्चा झाली आहे.