मुंबई - अभिनेता पर्ल वी पुरीच्या (pearl v puri) समर्थनार्थ आता एकापाठोपाठ बॉलीवूड सेलिब्रेटींची (bollywood celebrities) संख्या वाढताना दिसत आहे. यापूर्वी टेलिव्हिजन क्षेत्रातील कलाकारांनी पर्लला पाठींबा दिला होता. त्यानंतर त्यांच्या नावाची मोठ्या प्रमाणावर चर्चा सुरु झाली आहे. आता बॉलीवूडची अभिनेत्री आणि निर्माती दिव्या खोसला कुमारनं देखील पर्लची बाजू घेतल्याचे दिसून आले आहे. तिनं एका पोस्टच्या माध्यमातून आपली प्रतिक्रिया व्यक्त केली आहे. (Actress Divya Khosla Kumar supports Pearl V Puri in rape case)

दिव्यानं सोशल मीडियावर (social media) एक फोटो शेअर केला आहे. त्यात तिनं पर्लला कुणी फसवलं आहे त्याचा उल्लेख केला आहे. त्यामुळे ती देखील चर्चेत आली आहे. पर्ल वी पुरी हा आता एका अल्पवयीन मुलीच्या बलात्काराच्या आरोपामुळे मोठ्या संकटात सापडला आहे. त्याच्यावर टीकाही होत आहे. त्याचप्रमाणे त्याच्या समर्थनार्थ अनेक सेलिब्रेटींनी त्याला आपला सपोर्टही दिला आहे. दिव्यानं जी पोस्ट केली आहे त्यात तिनं पर्लला कशाप्रकारे अडकवण्यात आले त्याचा घटनाक्रम दिला आहे.

दिव्याच्या इंस्टा पोस्टमध्ये तिनं काही फोटो शेअर केले आहेत. त्यानंतर तिनं एक मोठी पोस्टही लिहिली आहे. त्यात ती म्हणते, सगळ्यात पहिल्यांदा त्या व्यक्तींचा परिचय मी आपल्याला करुन देते. या फोटोमधील व्यक्तिनं पर्ल वी पुरीवर गुन्हा दाखल केला आहे. ज्यांनी ही तक्रार दाखल केली आहे त्यांनी व्देषाच्या भावनेतून हा गुन्हा दाखल केला आहे. यावेळी दिव्यानं त्या फोटोंमधील व्यक्तींच्या खासगी आयुष्यातील काही घटनांचाही उल्लेख केला आहे.

पर्लला आता पोलिसांनी अटक केली आहे. 2019 मध्ये त्याच्यावर गुन्हा दाखल करण्यात आला होता. तेव्हाच त्याला अटक का करण्यात आली नाही, असा प्रश्न दिव्यानं उपस्थित केला आहे. माझ्या माहितीप्रमाणे पहिल्यांदा पर्लचे नाव त्या एफआयआरमध्ये नव्हते. त्यानंतर ते अचानक आले. आपणही ती एफआयआर वाचल्याचे दिव्यानं म्हटलं आहे.