छोट्या पडद्यावरील 'माझा होशील ना' या प्रसिद्ध मालिकेला प्रेक्षकांची पसंती मिळाली होती. या मालिकेतील आदित्य आणि सई यांच्या केमिस्ट्रीने प्रेक्षकांची मनं जिंकली. मालिकेत आदित्य ही भूमिका अभिनेता विराजस कुलकर्णीने (Virajas Kulkarni) साकारली असून सई ही भूमिका अभिनेत्री गौतमी देशपांडेने (Gautami Deshpande) साकारली. या मालिकेने प्रेक्षकांची निरोप घेतला आहे. नुकतीच गौतमीने मालिकेबद्दलची भावनिक पोस्ट सोशल मीडियावर शेअर केली आहे.

गौतमीची भावनिक पोस्ट

गौतमी देशपांडेने सोशल मीडियावर सहकलाकरांसोबतचे फोटो शेअर करून मालिकेच्या शूटिंग दरम्यानच्या आठवणींना उजाळा दिला. गौतमीने कॅप्शन मध्ये लिहीले, 'माझी reel पण तरीही real बनलेली फॅमिली. आपली मज्जा, एकत्र जेवण, सीनचा वेळेचा टाईमपास सगळं सगळं लाइफ टाईम लक्षात राहील.मुलींचा मेकअप रूम मधली गाणी, गप्पा गोष्टी, चिडचिड, रडणं, हसणं, एकमेकांना समजावणं , रील्स बनवणं.सगळं सगळं आयुष्यभरसोबत देईल.आमचा सर्व रसिक प्रेक्षकांना आणि फॅन्स आणि फॅन क्लब यांना खूप खूप धन्यवाद. तुमच्या प्रेमामुळे 'माझा होशील ना' मालिका घडली. आज निरोप घेतोय.पण तो फक्त TV वरून.तुमचा मनात 'माझा होशील ना' ही मालिका कायमचं घर बनवणार आहे.असंच प्रेम करत राहा. इतके दिवस ही सई तुमची झाली होती. पण आज नंतरही तुम्ही तिचे राहाल ना ?' गौतमीच्या या पोस्टला अनेक नेटकऱ्यांनी लाइक्स आणि कमेंट्स केल्या आहेत.

'माझा होशील ना' या मालिकेमध्ये गौतमी आणि विरोजससोबतच विनय येडेकर, अक्षय कुलकर्णी, सुलेखा तळवलकर,विद्याधर जोशी, निखिल रत्नपारखी या कलाकरांनी प्रमुख भूमिका साकारली होती.