Actress Radha Sagar: 'आई कुठे काय करते', 'सुंदरा मनामध्ये भरली' अशा दर्जेदार मालिकांमधून घराघरात पोहोचलेली अभिनेत्री म्हणजे राधा सागर हिला पुत्ररत्न प्राप्त झाले आहे. आज सकाळी सोशल मीडियावर फोटो शेयर करत अभिनेत्रीने ही गोड बातमी चाहत्यांना दिली आहे. 'आई कुठे काय करते' मधील राधा आता खऱ्या आयुष्यातही एका गोंडस मुलाची आई झाली आहे.

लाडक्या लेकाच्या हाताचा फोटो शेयर करत राधाने चिमुकल्यासाठी एक खास पोस्ट देखील लिहिली आहे. या पोस्टमध्ये राधा लिहिते,

"आणि आपल्या आयुष्यातील सर्वोत्तम क्षण:

आम्हाला मुलगा झालाय.. तो येताच त्याने त्याची चमक दाखवायला सुरुवात केली.

असा जादुई मुलगा आहे तो..

जीवनाच्या या नवीन मालिकेत आम्हाला आई आणि वडील म्हणून कास्ट केल्याबद्दल धन्यवाद !!!

आम्ही खरोखर धन्य आणि वेडसर पालक आहोत..."

राधाने काही दिवसांपुर्वीच एक गोड व्हिडिओ शेयर करत ही आनंदाची बातमी चाहत्यांना होती. राधाने तिचा पती सागर कुलकर्णी याच्याबरोबर बेबी बंप दाखवत शूट देखील केलं होत. त्याचा सुंदर व्हिडीओ सोशल मीडियावर व्हायरल झाला होता. आता ही गोड बातमी मिळताच चाहत्यांनी दोघांवर शुभेच्छांचा वर्षाव केला आहे.

गेल्या नऊ वर्षांपासून राधा अभिनय क्षेत्रामध्ये कार्यरत आहे. ती चंद्रमुखी चित्रपटातून देखील झळकली होती.

राधाने अनेक चित्रपटही काम केले आहे. त्यामुळे खलनायकी भूमिका असो विनोदी काम, राधा आपल्या अभिनयाने सर्वांना वेड लावतेच. आता तिने  गरोदरपणामुळे अभिनयातून ब्रेक घेतला होता.