मुंबई ः रंगभूमीबरोबरच मराठी चित्रपट आणि मालिकांमध्ये काम करणारी अभिनेत्री सविता मालपेकर आता राजकारणात उतरणार आहेत. राष्ट्रवादी काँग्रेस पक्षांमध्ये त्या प्रवेश करणार आहेत. येत्या २५ किंवा २६ जुलै रोजी महाराष्ट्राचे उपमुख्यमंत्री अजित दादा पवार तसेच खासदार सुप्रियाताई सुळे यांच्या उपस्थितीत त्या राष्ट्रवादी काँग्रेस पक्षात प्रवेश करीत आहेत.

मीरा भाईंदर आमदारांच्या नावे बनावट ऑडिओ क्लिप व्हायरल! पोलिसांत गुन्हा दाखल

अभिनेत्री प्रिया बेर्डे यांनी नुकताच राष्ट्रवादी काँग्रेस पक्षात प्रवेश केला. अभिनेते खासदार डाॅ. अमोल कोल्हे राष्ट्रवादी काँग्रेस पक्षातर्फे शिरूर मतदारसंघातून लोकसभेवर निवडून गेले आहेत. आता त्यांच्या पाठोपाठ सविता मालपेकर यादेखील या पक्षात प्रवेश करीत आहेत. याबाबत सविता मालपेकर यांच्याशी संपर्क साधला असता त्या म्हणाला, की गेली कित्येक वर्षे मी चित्रपटसृष्टीत काम करीत असताना मला असे जाणवले की काही कलावंत मंडळी अशी आहेत की त्यांना अनेक प्रश्न भेडसावीत आहेत. त्या कलाकारांचे प्रश्न सुटत नाहीत आणि त्यांच्यापर्यंत कुणी पोहोचत नाही. आहे. काही वयोवृद्ध कलाकारांना पेन्शनही मिळत नाही. त्यामुळे या कलाकारांचे प्रश्न सोडवायचे असतील तर कोणत्या ना कोणत्या पक्षाचा झेंडा आपल्याला हाती घ्यावा लागेल हे माझ्या लक्षात आले. त्यातच कोरोनाने मला माणसांचे स्वभाव दाखविले...माणसं ओळखायला शिकवली.. त्यामुळे आपण काही तरी करायला पाहिजे...आपली कलावंत मंडळी आहेत त्यांच्यासाठी काही तरी करायला पाहिजे हे मी या काळात जाणले. त्याकरिता एखाद्या राजकीय पक्षाचे सहकार्य असणे आवश्यक आहे. त्याकरिता मी राष्ट्रवादी काँग्रेस पक्षात प्रवेश करीत आहे. माझे आवडते नेते शरद पवारसाहेब आहेत म्हणून मी या पक्षात जात आहे.  मी कुठल्याही पदासाठी जात नाही. कलाकारांचे प्रश्न सोडविण्यासाठी राजकारणात जात आहे.