मुंबई - प्रसिध्द टेलिव्हिजन अॅक्ट्रेस श्वेता तिवारीनं (actress shweta tiwari) सोशल मीडियावर एक व्हिडिओ पोस्ट केला होता. त्यावरुन ती चर्चेत आली आहे. त्यातून तिनं अनेक धक्कादायक खुलासे केले आहेत. सोसायटीच्या बाहेर असणा-या प्ले ग्राऊंडमध्ये जे काही घडले ते त्या व्हिडिओमध्ये पाहायला मिळते. श्वेता यापूर्वी तिच्या पतीबरोबरच्या वादामुळे चर्चेत आली होती. तिचा पूर्वाश्रमीचा पती असणारा अभिनव कोहलीनं त्यांच्या मुलाला श्वेतापासून (actress shweta tiwari) हिसकावून घेतलं. हे सगळं त्या व्हि़डिओच्या माध्यमातून दिसून आलं आहे. सध्या हा व्हिडिओ सोशल मीडियात (Social Media) चर्चेचा विषय आहे.

टीव्ही अॅक्ट्रेस श्वेता तिवारीला सध्या डॉमेस्टिक व्हायोलन्सचा (Domestic Violence) सामना करावा लागत आहे. त्यामुळे ती त्रस्त झाली आहे. ज्यावेळी श्वेतानं तो व्हिडिओ सोशल मीड़ियावर शेअर केला तेव्हापासून तिच्या चाहत्यांनी तिला सपोर्ट करण्यास सुरुवात केली आहे. त्या व्हिडिओच्या माध्यमातून श्वेतानं आपली बाजु मांडली आहे. जे काही घडलं ते किती भयानक होतं हे तिनं त्यावेळी सांगितले आहे. त्या व्हिडिओमध्ये तिचा मुलगा रेयांश खेळत होता. तिनं त्याला कडेवर घेतलं होत. मात्र अचानक अभिनव त्या मुलाला तिच्याकडून हिसकावून घेण्याचा प्रयत्न करतो आहे.

अभिनवनंही (Abhinav Kohli) एक व्हिडिओ पोस्ट केला आहे. रात्री दीड वाजण्याची वेळ होती. त्या व्हिडिओमध्ये 14 ते 24 ऑक्टोबरच्या दरम्यानची ती घटना असावी असे म्हटले गेले आहे. त्यानं आपल्या फोनमध्ये तो व्हिडिओ तयार केला आहे. आपल्या फॅन्सला तो व्हिडिओ त्यानं दाखवला आहे. अभिनव म्हणतो गेल्या वर्षापासून मला माझ्या मुलापासून वेगळं ठेवलं गेलं आहे. मला त्याला भेटायचे आहे. अशावेळी मी जेव्हा वुमन्स सेल, कधी कमिशनर यांच्याकड़े गेल्यानंतरही मला न्य़ाय मिळाला नाही.

तुम्हाला सांगतो की रियांशला तिच्याजवळ राहायचे नाही. 24 ऑक्टोबरला जे काही झाले ते त्या व्हिडिओमध्ये दाखवण्यात आले आहे. त्यावेळी रियांश सांगतो आहे की मला तिच्याकडे जायचे नाही. मी देखील श्वेताला मनवण्याचा प्रयत्न करतो आहे. शेवटी मला पोलिसांना बोलवावे लागले. अभिनवनं चाहत्यांना सांगितले आहे की, तुम्ही केवळ एकाच बाजूनं विचार करु नका. माझाही बाजु लक्षात घ्या.