Snehal Rai Accident News: इश्क का रंग सफेद फेम लोकप्रिय अभिनेत्री स्नेहल राय हिचा अपघात झाल्याची धक्कादायक माहिती समोर आलीय. ती पुण्याला जात होती.

त्यानंतर तिच्या कारला भरधाव वेगाने येणाऱ्या ट्रकने जोरदार धडक दिली. त्यामुळे त्यांच्या कारचे पूर्ण नुकसान झाले. एक गोष्ट चांगली आहे की ड्रायव्हरने आपला संयम अजिबात गमावला नाही.

गाडीत बसलेल्या अभिनेत्रीला जिथून वाचवता येईल त्या दिशेने तो गाडी चालवत राहिला. त्यामुळे स्नेहल या अपघातातून थोडक्यात बचावलीय. या घटनेत कोणीही गंभीर जखमी झालेले नाही.

(actress snehal rai accident a pune car hits by truck)

'इटाईम्स'च्या वृत्तानुसार, या घटनेत कोणीही गंभीर जखमी झालेले नाही. गाडीचा चालक आणि इतरांना गाडीतून सुखरूप बाहेर काढण्यात आले.

मात्र, जेव्हा अभिनेत्रीने त्या ट्रकच्या मालकाकडे भरपाई मागितली तेव्हा त्याने नकार दिला. तसेच धमकी देऊन ट्रक ड्रायव्हर गायब झाले. यानंतर अभिनेत्रीने जवळच्या पोलीस ठाण्यात फोन केला आणि पोलीस घटनास्थळी पोहोचले.

'ईटाईम्स'शी संवाद साधताना स्नेहल राय म्हणाली, 'माझ्यासोबत काय झाले हे मला अजूनही समजू शकत नाही. अचानक कुठूनतरी एका ट्रकने माझ्या कारला धडक दिली.

पण माझा जीव वाचवणाऱ्या ड्रायव्हरचे आभार. आम्ही पोलिस स्टेशनला फोन केला आणि 5-10 मिनिटांत पोलिस आले. बोरघाट पोलीस स्टेशनचे योगेश भोसले सर यांचे मी आभारी आहे.

त्याने खूप मदत केली. मला काय होईल याची काळजी वाटत होती आणि त्यांनी आम्हाला ग्लुकोज आणि त्या वेळी जे काही आवश्यक होते ते दिले."

स्नेहल पुढे म्हणाली, 'पोलीस वेळेवर येत नाहीत असे लोक का म्हणतात ते मला कळत नाही. आजच्या काळात, ते घटनास्थळी आले आणि आवश्यक ती सर्व मदत त्यांनी केली.

अभिनेत्रीने सांगितले की ट्रक ड्रायव्हर पळून गेल्याने आणि त्याच्या वाहनाबद्दल कोणतीही माहिती नसल्याने तिला FIR नोंदवता आला नाही.

घटनेनंतर मला रुग्णालयात नेण्यात आले आणि तेथे मलमपट्टी करण्यात आली." एकूणच गाडीचा जरी चक्काचूर झाला असला तरीही अभिनेत्री स्नेहल राय या अपघातातून वाचली हे सुदैव म्हणावे लागेल.