surekha kudchi: मराठी मालिका आणि चित्रपट विश्वातील एक गाजलेलं आणि चर्चेतलं नाव म्हणजे अभिनेत्री सुरेखा कुडची. सुरेखा यांनी आजवर अनेक चित्रपट केले. 1995 ते 2000 च्या दशकातला काळ अक्षरशः त्यांनी गाजवला आहे. सध्या त्या अनेक लोकप्रिय मालिकांमधून आपल्या समोर येत आहेत. गेल्यावर्षी बिग बॉस मराठीचे पर्वही त्यांनी गाजवले. सध्या त्या कलर्स मराठी वरील 'शेतकरीच नवरा हवा' या मालिकेत सूर्यकांता सरनाईक या महत्वाच्या भूमिकेत आहेत. याच मालिकेच्या सेटवर त्यांनी एक भन्नाट व्हिडिओ शूट केला आहे, जो सध्या व्हायरल होत आहे.

(actress Surekha kudchi reel video viral on ved laglay)

मालिका आणि मालिकेच्या सेटवर बरीच धमाल होत असते. सध्या ही धमाल आपल्या पर्यन्त पोहोचते कारण सगळे कलाकार सोशल मिडियावर प्रचंड सक्रिय असते. त्यामुळे व्हिडिओ, फोटो आणि रिल्सच्या माध्यमातून या गमतीजमती आपल्यापर्यंत पोहोचत असतात.

अभिनेत्री सुरेख कुडची या केवळ अभिनेत्री नाही तर उत्तम नृत्यांगना आहेत. त्यांनी अनेक लावण्यांवर आपले नृत्य केले आहे. त्यामुळे त्यांचा डान्स पाहण्यासाठीही चाहते आतुर असतात. असाच एक व्हिडिओ सुरेखा यांनी शेयर केला आहे. चक्क नववारी नेसून, गॉगल लावून त्या थिरकल्या आहेत. आणि गाणं आहे मला वेड लागलंय..

हेही वाचा - प्राचीन काळातली शस्त्रनिर्मिती कला....

सध्या महाराष्ट्रात प्रितेश आणि जिनिलिया यांच्या वेड सिनेमाचं वेड लागलेलं पाहायला मिळत आहे. सोशल मीडियावरही 'वेड'सिनेमाचीच हवा आहे. संगितकार अजय अतुल यांचं संगीत या चित्रपटाला लाभलं आहे. त्यातही जिथे तिथे प्रत्येक जन 'वेड लागलंय' या गाण्यावर थिरकत आहे. अशातच सेटवर शूट करताना सुरेखा यांनाही या गाण्यावर नाचायचा मोह आवरला नाही. सुरेखा यांचा व्हिडीओ सोशल मीडियावर व्हायरल होतंय.