सुदीप्तो सेन आणि अदा शर्मा अभिनीत चित्रपट 'द केरळ स्टोरी' हा सध्या मनोरंजन विश्वात धुमाकूळ घालत आहे. या चित्रपटाच्या कमाईचा आलेख दिवसेंदिवस वाढत चालला आहे.

5 मे ला प्रदर्शित झालेल्या या चित्रपटाला रिलिज होऊन आता सहा दिवस झाले आहे. या सहा दिवसात या बॉक्स ऑफिसवर बंपर कमाई केली आहे.

चित्रपटाचे कलेक्शनचे आकडे पाहता येत्या वीकेंडला 'द केरळ स्टोरी' 1oo कोटींच्या क्लबमध्ये सामील होईल असा विश्वास सर्वाना वाटत आहे.

निश्चितच या चित्रपटाच्या यशाचं श्रेय त्याच्या कथेला आणि त्याभोवती निर्माण झालेल्या वादाला जाते आहे.

केरळ स्टोरीला सोशल मिडियावर मोठ्या प्रमाणात माऊथ पब्लिसिटी मिळत आहे. त्यामुळेच सहाव्या रिलीजमध्येही चित्रपटाने भरघोस कमाई केली आहे.

 'द केरळ स्टोरी' ने पहिल्या बुधवारी म्हणजेच रिलीजच्या 6 दिवशी देखील बंपर कमाई केली आहे. या चित्रपटाने बुधवारी चांगलीच उडी घेतली आणि जवळपास 12 कोटींची कमाई केली. मंगळवारपेक्षा त्यात 10% वाढ नोंदवली गेली.

 द केरळ स्टोरीने पहिल्या दिवशी 8.3 कोटी रुपयांची कमाई केली. शनिवारी 11.22 कोटी आणि रविवारी या चित्रपटाने सर्वाधिक म्हणजे 16.40 कोटींचा व्यवसाय केला.

सोमवारच्या कमाईच्या आकडे पाहिले असता या चित्रपटाने 10.7 कोटींचा गल्ला जमावला आहे. तर मंगळवारी या चित्रपटाची कमाई 11 कोटींचा जवळपास होता.

तर बुधवारी या चित्रपटाने 12 कोटींची कमाई केली आहे. या बॉक्स ऑफिस कलेक्शनसह, चित्रपटाने आतापर्यंत एकूण 69 कोटींच्या जवळपास कमाई केली आहे.

एकीकडे भारतात अनेक राज्यात चित्रपटाच्या प्रदर्शनावर बंदी घालण्याची मागणी होत असतांनाच दुसरीकडे निर्मात्यांनी द केरळ स्टोरी या चित्रपटाला इतर देशांमध्येही प्रदर्शित करण्याचा निर्णय घेतला आहे.

आता हा चित्रपट आणखी 37 देशांमध्ये प्रदर्शित होणार आहे. अदा शर्मानं स्वत: ही माहिती पोस्ट शेअर करत दिली आहे.