मुंबई : कोरोना महामारीमध्ये डॉक्टर्स, नर्सेस तसेच अन्य आरोग्य कर्मचारी, पोलिस व पालिका कामगार-कर्मचारी आपल्या जीवाची बाजी लावून काम करीत आहेत. त्यांना प्रोत्साहन देण्यासाठी आतापर्यंत काही गाणी तसेच व्हिडीओ चित्रित झाले. त्यातून त्यांना प्रोत्साहन तसेच त्यांच्या या सेवेला सलाम करण्यात आला. आता 'होम मिनिस्टर घरच्या घरी' या विशेष भागात आदेश बांदेकर भावोजी आता कोरोना वॉरियर्स यांच्याबरोबर पैठणीचा खेळ खेळणार आहेत.
झी मराठीवरील होम मिनिस्टर हा कार्यक्रम कमालीचा लोकप्रिय ठरलेला आहे. आदेश बांदेकर यांच्या खुमासदार सूत्रसंचालनाने या कार्यक्रमाला वेगळी उंची प्राप्त झाली आहे. कोरोनामुळे काही दिवस या कार्यक्रमाचे चित्रिकरण थांबलेले होते. परंतु आता आदेश बांदेकर आपल्या घरातूनच हा कार्यक्रम सादर करीत आहेत.
आता कोरोना वॉरियर्सबरोबर पैठणीचा खेळ रंगणार आहे. या कोरोना वॉरीयर्सनी स्वतःच्या घरची किंवा घरच्यांची काळजी न करता इतरांचा जीव वाचवण्यासाठी सतत झटत राहिले, त्यांचा सन्मान आणि त्यांना थोडासा आनंद देण्याचा झी मराठी आणि होम मिनिस्टर हा प्रयत्न आहे. कोरोना काळात जनतेची घेतलेली काळजी आणि सोबत घरच्यांबरोबर करावा लागणारी तडजोड, या खास भागांमधून प्रेक्षकांसमोर उलगडणार आहेत. ‘होम मिनिस्टर घरच्या घरी’चे हे विशेष भाग 27 जुलैपासून प्रेक्षकांना पाहता येणर आहेत. आज त्या विशेष भागांचे चित्रीकरण झाले आहे.
---
संपादन : ऋषिराज तायडे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.