Adipurush Prabhas-Kriti Sanon: सुपरस्टार प्रभास आणि क्रिती सेनन यांचा नवीन चित्रपट आदिपुरुष बऱ्याच दिवसांपासून चर्चेत आहे. या चित्रपटाचा ट्रेलर प्रेक्षकांना खुप आवडला होता. आता या चित्रपटाचे दोन गाणेही रिलिज करण्यात आले. जे काही तासातच सोशल मिडियावर व्हायरल झाले.

नेटकऱ्यांना ही गाणी कमालीची आवडली. या गाण्यांना मिलियनमध्ये व्ह्यूज मिळाले आहे. आता चित्रपटाचे कलाकार चित्रपटाचे प्रमोशन करण्यात व्यस्त आहे. नुकतिच क्रिती ही नाशिकमधील पंचवटीला भेट दिली आणि सिता मातेचे आशिर्वाद घेतले.

हिंदी, तामिळ, तेलगू, मल्याळम आणि कन्नडमध्ये हा चित्रपट रिलिज होणार आहे. आदिपुरुष मधील प्रभु रामच्या भूमिकेत प्रभास, माता सीतेच्या भूमिकेतील क्रिती अन् लक्ष्मणच्या भूमिकेत सनी सिंग तर लंकेशपती रावणाच्या भूमिकेत सैफ अली खान दिसत आहे.

आता हा चित्रपट रिलिज होण्यासाठी काहीच दिवस उरलेले आहे. त्यापुर्वी पुन्हा हा चित्रपट चर्चेत आला तो या चित्रपटाच्या रिलिजपुर्वीच केलेल कमाईमुळे.

अलीकडेच आदिपुरुषच्या कमाईशी संबंधित एक रिपोर्ट समोर आला आहे, ज्यानुसार या चित्रपटाने रिलीज होण्यापूर्वीच 420 कोटी क्लबमध्ये प्रवेश केला असल्याचा दावा करण्यात येत आहे.

hindi.asianetnews या न्यूज पोर्टलमध्ये हा दावा करण्यात आला आहे. अहवालात सांगण्यात आल्याप्रमाणे चित्रपटाचे थिएटर हक्क 2 राज्यांमध्ये 170 कोटी रुपयांना विकले गेले आहेत. इतकच नाही तर याशिवाय या चित्रपटाची ओटीटी डीलही पूर्ण झाली असून सर्व भाषांचे हक्क नेटफ्लिक्सने 250 कोटी रुपयांना विकत घेतले आहेत.

अशा परिस्थितीत या चित्रपटाने जवळपास 420 कोटींची कमाई केली आहे. असे वृत्त व्हायरल होत असले तरी आदिपुरुषच्या कमाईबाबत अशी कोणतीही अधिकृत माहिती समोर आलेली नाही.

ओम राऊत दिग्दर्शित आदिपुरुष चित्रपटात प्रभास, क्रिती सेनॉन आणि सैफ अली खानसह अनेक कलाकार दिसणार आहेत. आदिपुरुष हा चित्रपट 16 जून 2023 रोजी थिएटरमध्ये दाखल होणार आहे, परंतु तो रिलीज होण्यापूर्वी अनेक महिन्यांपासून सतत चर्चेत आहे.

अनेक वाद आणि ट्रोलिंगनंतर आदिपुरुष आता चित्रपट चाहत्यांमध्ये त्याच्या जागी यशस्वी होताना दिसत आहे.