Alia Bhatt Video Viral: बॉलिवूडचे पॉवर कपल म्हणून आलिया भट्ट आणि रणबीर कपूर यांचे नाव घेतले जाते. दोघेही नेहमी चर्चेत असतात. आलिया भट्ट आणि रणबीर कपूर नेहमीच त्यांच्या मुलाखतीत पार्टनर विषयी बोलत असतात.

आलिया तर पती रणबीर कपूरबद्दल नेहमी बोलतांना दिसते. बऱ्याचवेळा हे कपल त्यांच्या वागणुकीमुळे ट्रोल देखील होत असते. आता पुन्हा एकदा आलियानं असं वक्तव्य केलं की रणबीर पुन्हा एकदा ट्रोल झाला आहे.

आलियाचा एक व्हिडिओ व्हायरल होत आहे ज्यानंतर रणबीर कपूरला ट्रोल केले जात आहे. आलियाने अलीकडेच व्होगला एक मुलाखत दिली. ज्यात तिने स्किन केअर रूटीन शेअर केलं आहे.

या व्हिडिओदरम्यान आलियाने सांगितले की, रणबीरला तिने लिपस्टिक लावणं मुळिच आवडत नाही. व्हिडिओमध्ये आलिया बोलते की रणबीरला तिनं लिपस्टिक लावलेलं आवडत नाही. त्यामुळे तो तिला लिपस्टिक पुसायला लावतो. याच कारणामुळे आलिया न्यूड शेड्स लिपस्टिक लावते. बॉयफ्रेंड असतानाही तो आलियाला तिची लिपस्टिक पुसायला सांगायचा.

मात्र रणबीरचं असं वागणं नेटकऱ्यांना आवडलेलं नाही. त्यांनी रणबीरला ट्रोल करण्यास सुरुवात केली. तो आलियाला कंट्रोल करतो. एकानं लिहिलयं की, ही नेहमीच रणबीरच्या धाकात असते. तर दुसऱ्याने लिहिलं की, ती ज्या प्रकारे रणबीरबद्दल बोलत राहते, त्यावरून असं दिसतं की ती मदतीसाठी विनंती करत असते. सध्या या व्हिडिओची सोशल मीडियावर चर्चा आहे.

आलिया भट्टच्या वर्कफ्रंटबद्दल बोलायचं झालं तर आलिया शेवटची रॉकी और रानी की प्रेम कहानी या चित्रपटात दिसली होती. त्याचबरोबर तिने हॉलिवूडमध्येही पदार्पण केले आहे. तर रणबीर लवकरच रश्मिका मंदान्नासोबत 'अॅनिमल'मध्ये दिसणार आहे.