मुंबई: बॉलिवूडचा सुपरस्टार शाहरुख खानचा (shahrukh khan) मुलगा आर्यन खानची (Aryan khan) आता थोड्याचवेळात तुरुंगातून सुटका होईल. ड्रग्ज प्रकरणात NCB च्या अटकेत असलेल्या आर्यनला गुरुवारी मुंबई उच्च न्यायालयाने (court) जामीन मंजूर केला. काल जामिनाची कायदेशीर प्रक्रिया पूर्ण झाल्यानंतर आज त्याची सुटका होईल. आर्यनच्या जामिनामुळे शाहरुख चाहत्यांमध्ये आनंदाचं वातावरण आहे.

आर्यन घरी येणार म्हणून मन्नतवर रोषणाई करण्यात आली आहे. मन्नतबाहेर चाहते मोठ्या संख्येने जमले आहेत. एक जण बैल घेऊन 'मन्नत'च्या बाहेर उभा आहे. 'तुझे देखा तो ये जाना सनम' हे शाहरुखच्या गाजलेल्या 'दिलवाले दुल्हनिया ले जायेंगे' चित्रपटातील गाणं वाजवत आहे.

'स्टे स्ट्राँग, प्रिन्स आर्यन' असा हातात फलक घेऊन काही चाहते उभे आहेत. एका बाबाने तर आर्यनसाठी मन्नत बाहेर 'हनुमान चालिसा'चे पठण केले. सध्या आर्थर रोड कारागृहाच्या दिशेने जाणाऱ्या रस्त्यावर वाहतूक कोंडी आहे. कारागृहाबाहेर मोठा पोलीस बंदोबस्त आहे. शाहरुख सकाळी वरळीच्या फोर सिझन हॉटेलमध्ये होता. मुलाला नेण्यासाठी तो आर्थर रोड कारागृहात येऊ शकतो.