Akshara Singh Bhojpuri Actress Event Public pelted stones : अक्षरा सिंगच्या एका इव्हेंटमध्ये घडलेली घटना ही सोशल मीडियावर चर्चेत आली आहे. भोजपूरी सिनेविश्वातील लोकप्रिय नाव असणाऱ्या अक्षराच्या त्या इव्हेंटमध्ये प्रेक्षकांना कंट्रोलमध्ये आणण्यासाठी पोलिसांना काही प्रमाणात लाठीचार्जही करावा लागल्याचे दिसून आले आहे.

भोजपूरी क्वीन म्हणून नेहमीच अक्षरा सिंहचे नाव घेतले जाते. ती तिच्या हटके स्टाईल आणि लूकसाठी ओळखली जाते. गेल्या काही दिवसांपासून अक्षराच्या त्या इव्हेंटची चर्चा सुरु होती. अशातच त्या शो मध्ये प्रेक्षकांनी दगडफेक केल्याचे दिसून आले आहे. त्यानंतर पोलिसांनी आक्रमक होत लाठीचार्ज करत प्रेक्षकांना नियंत्रणात आणण्याचा प्रयत्न केला आहे. त्यानंतर परिस्थिती आटोक्यात आणली गेली.

दाऊदनगरमध्ये झालेल्या त्या कार्यक्रमाला हजारोंच्या संख्येनं प्रेक्षक हजर होते. अक्षराची एक झलक पाहण्यासाठी त्याठिकाणी झालेल्या गर्दीला नियंत्रणात आणण्यासाठी पोलिसांना शर्थीचे प्रयत्न करावे लागत होते. कार्यक्रमस्थळी एवढी गर्दी झाली की त्यामुळे पोलिसांना आक्रमक पवित्रा धारण करावा लागला. ती घटना १७ जानेवारीची असल्याचे सांगण्यात येत आहे.

बिहारमधील औरंगाबादमधील दाऊदनगरमध्ये ही घटना घडल्याचे दिसून आले आहे. त्याचे काही व्हिडिओ सोशल मीडियावर व्हायरल झाले आहे. अभिनेत्री त्या शहरातील एका दुकानाच्या उद्घघाटनासाठी आली होती. त्यावेळी तिला पाहण्यासाठी अलोट गर्दी झाल्याचे दिसून आले. त्यात त्या गर्दीनं दगडफेक केली आणि त्या घटनेला हिंसक वळण लागले.

अक्षरा ज्या इव्हेंटमध्ये जाते तिथे चर्चा होताना दिसते. यापूर्वी देखील तिच्या व्हिडिओमुळे ती वादाच्या भोवऱ्यात सापडली होती. इंस्टाग्रामवर अक्षराच्या नावाची मोठी प्रसिद्धी आहे. त्या आयोजित इव्हेंटमुळे अक्षराची सोशल मीडियावर जोरदार चर्चा होताना दिसत आहे.