मुंबई- कोरोनाच्या काळात सिनेमाचं शूट सुरु करुन संपवलेला अभिनेता अक्षय कुमार आता त्याच्या आगामी सिनेमाच्या शूटींगच्या तयारिला लागला आहे. अक्षय कुमार मुंबईत त्याच्या आगामी सिनेमाचं शूट करणार आहे. दोन दिवसांपासून अक्षय कुमार इंटरनेटवर मास्क न लावलेल्या फोटोंमुळे आणि टिझरमध्ये हिरोईनला जागा न दिल्याने प्रेक्षकांच्या टिकेला सामोरं जात आहे. आता मुंबईत सुरु होणा-या शूटींगसाठी तो तयारी करण्यासाठी सज्ज झाला आहे.

हे ही वाचा: 'मिर्झापूर २' चा ट्रेलर रिलीज,'बदले की आग मै जलेगा मिर्झापूर'  

कोरोना व्हायरसमुळे लॉकडाऊनमधून सूट मिळाल्यानंतर अभिनेता अक्षय कुमार काम करण्यासाठी उत्साही आहे. गेल्या आठवड्यात 'बेलबॉटम' सिनेमाचं शूटींग संपवून तो स्कॉटलँडमधून मुंबईत परतला होता. आता अक्षय कुमार लवकरंच त्याच्या आगामी 'पृथ्वीराज' सिनेमाचं शूटींग पूर्ण करण्याच्या तयारित आहे. सुत्रांनी दिलेल्या माहितीनुसार, या ऐतिहासिक सिनेमासाठी अक्षय ८ ऑक्टोबर म्हणजेच गुरुवारी शूटींगला सुरुवात करणार आहे. यासाठी निर्मात्यांनी आता पूर्ण तयारी देखील केली आहे. मात्र आत्तापर्यंत अक्षयचा लकी नंबर नऊ राहिला आहे. 

'पृथ्वीराज' हा एक युद्धाच्या पार्श्वभूमीवर असलेला सिनेमा आहे. सध्या युद्धाच्या परिस्थितीच शूट करणं शक्य नाहीये. त्यामुळे निर्मात्यांनी निर्णय घेतला आहे की या सिनेमातील युद्धाचे सीन्स देखील स्टुडिओमध्ये शूट केले जावेत. यासाठी स्टुडिओमध्ये केवळ ५० लोकंच  उपस्थित राहतील. तसं पाहायला गेलं तर अशा प्रकारच्या लढाईच्या सीन्ससाठी जवळपास ४०० ते ५०० लोकांची गरज असते. मात्र सद्यपरिस्थिती पाहता निर्माते या ठिकाणी जास्त लोकांना गोळा न करता स्पेशल इफेक्टच्या माध्यमातून आणि वीएफएक्सच्या माध्यमातून कमाल करुन दाखवतील.

जे लोक शूटींगसाठी उपस्थित राहणार आहेत त्यांची कोरोना टेस्ट करायला सुरुवात झाली आहे. ज्यांचे रिपोर्ट निगेटीव्ह येतील त्यांच्यासोबत शूटींग सुरु केलं जाईल. तसंच जोपर्यंत संपूर्ण शूटींग पूर्ण होत नाही तोपर्यंत कोणीही घरी जाऊ शकणार नाही.  

akshay kumar and manushi chhillar film prithviraj shooting start from 8th october