मुंबई- अभिनेता अक्षय कुमार कोरोना व्हायरसच्या काळात अनेक वेगवेगळे उपाय त्याच्या चाहत्यांसाठी घेऊन येत आहे. वेगवेगळे मार्ग अवलंबत तो या संकटकाळात लोकांना जागरुक राहण्याविषयी सांगत आहे. सोशल मिडियावर अक्षयने असाच एक व्हिडिओ पोस्ट केला आहे. ज्यामध्ये तो त्याच्या चाहत्यांना सरळ सरळ सांगतोय की जर तुम्ही ही गोष्ट केली नाही तर तुम्हाला वेगवेगळ्या भाषेत शिव्या ऐकाव्या लागतील.

हे ही वाचा:  'रामलीला'च्या वेळी सुशांत आमच्या कॉन्ट्रॅक्टमध्येच नव्हता' म्हणत आदीत्य चोप्रा यांनी केले अनेक मोठे खुलासे..

अक्षयने त्याच्या इंस्टाग्राम अकाऊंटवर एक व्हिडिओ शेअर केला आहे. या व्हिडिओमध्ये तो एक खास मेसेज लोकांना देत आहे. या व्हिडिओमध्ये सगळ्यात आधी वेगवेगळे लोक येतात आणि कॅमेराकडे बघून ते शिव्या देतात. शिव्या म्हणजे या सौम्य प्रकारच्या शिव्या आहेत. वेगवेगळ्या भाषेत ते मूर्ख, गाढव, बेअक्कल अशा प्रकारच्या शिव्या देताना दिसत आहेत. त्यानंतर सगळ्यात शेवटी येऊन अक्षय सांगतो कि 'कोरोना व्हायरसच्या या संकटात असं काय कराल ज्यामुळे तुम्हाला लोकांच्या शिव्या ऐकाव्या लागणार नाहीत?'

अक्षय पुढे सांगतो की, जर तुम्हाला प्रत्येक भारतीय भाषांमध्ये शिव्या खायची इच्छा नसेल किंवा तुम्हाला कोणी वाईट बोललेलं आवडणार नसेल तर निमुटपणे मास्कचा वापर करा. या व्हिडिओच्या शेवटी अक्षय कुमार व्यवस्थितपणे मास्क घालताना दिसतोय. 

अनेक शहरांमध्ये लॉकडाऊनच्या काळात थोडी सूट दिल्यानंतर सगळ्यात आधी अक्षय कुमारनेच एका जाहीरातीचं शूट केलं होतं. यादरम्याने सेटवरील अनेक फोटो सोशल मिडियावर व्हायरल झाले होते. ज्यामध्ये अक्षय कुमारसोबत टीममधील काही सदस्य मास्कचा वापर करताना दिसून आले होते. 

सिनेमांच्या बाबतीत सांगायचं झालं तर, अक्षय पुढच्या महिन्यात म्हणजेच ऑगस्टमध्ये त्याच्या बेलबॉटम या सिनेमाचं शूट करणार आहे. त्यानंतर तो नोव्हेंबरमध्ये पृथ्वीराज सिनेमाच्या शूटींगला देखील सुरुवात करणार असल्याचं म्हटलं जातंय.  

akshay kumar to fans do not forget to put on your mask