Akshay Kumar Mouni Roy Shirtless Video : बॉलीवूडचा खिलाडी अक्षय कुमार हा कधी काय करेल याचा भरवसा राहिलेला नाही. तो गेल्या वर्षापासून चांगल्या हिट चित्रपटाच्या शोधात असल्याचे दिसून आले आहे. याही वर्षी त्याला बॉक्स ऑफिसनं दूर लोटले आहे. येत्या काळात त्याचा ओह माय गॉडचा दुसरा भाग प्रेक्षकांच्या भेटीला येणार आहे. त्याची चर्चा आहे. यातच एका व्हिडिओमुळे अक्षय कुमार नेटकऱ्यांच्या रडारवर आला आहे.

अक्षयला ट्रोल करण्यासाठी नेटकऱ्यांना कोणतेही कारण पुरते. तो कधी त्याच्या चित्रपटाच्या विषयावरुन ट्रोल होताना दिसतो तर कधी त्याच्या हटक्या प्रतिक्रियेमुळे. मात्र आता एका डान्स व्हिडिओमुळे चर्चेत आला आहे. त्यात त्यानं प्रसिद्ध अभिनेत्री मौनी रॉयसमोर केलेला डान्स नेटकऱ्यांच्या संतापाचा विषय ठरला आहे. नेटकऱ्यांनी तर त्याला तुझे वय काय, तू करतो काय असे म्हणत त्याच्यावर टीका केली आहे. त्या व्हिडिओमध्ये अक्षय कुमार, मौनी रॉय, सोनम बजावा अक्षयच्याच खिलाडी ७८६ चित्रपटातील गाण्यावर डान्स करताना दिसत आहे.

Also Read - सामान्यांचा पैसा सुरक्षित ठेवण्यासाठीच Virtual Currency करकक्षेत

त्या दौऱ्याच्या वेळेस अक्षयनं मौनीसमोर शर्टलेस होत डान्स सुरुवात केली. त्यामुळे तो मोठ्या प्रमाणात ट्रोल झाला आहे. काही दिवसांपासून नोरा फतेही, दिशा पटानी, जसलीन रॉयल, अपारशक्ती खुराना आणि स्टेबिन बेन यांचा परदेश दौरा सुरु असल्याचे दिसून आले आहे. त्याला नेटकऱ्यांचा मिळालेला प्रतिसाद मोठा आहे. भारतीय संस्कृतीला वेगळ्या प्रकारे सादर करण्याचे काम त्या दौऱ्यातून केले जात आहे.

मौनीसमोर अक्षय कुमार शर्टलेस झाल्यानंतर नेटकऱ्यांचा भडका उडाला आहे. एका युझर्सनं लिहिलं आहे की, अक्षय तू जे काही करतो आहेस ती आपली संस्कृती नाही. ती कॅनडा देशाची संस्कृती आहे. दुसऱ्यानं लिहिलं आहे की, तू असे काही करतो आणि ट्रोल झाल्यानंतर पुन्हा नेटकऱ्यांच्याच नावानं ओरडतो की, मला ट्रोल केले जाते. अक्षय तुला थोडी का होईना लाज वाटायला हवी. अशा शब्दांत नेटकऱ्यांनी आपला राग व्यक्त केला आहे.