Akshay Kumar on Narendra Modi: अक्षय कुमार सध्या मिशन रानीगंज सिनेमामुळे चांगलाच चर्चेत आहे. अक्षय कुमारचा हा सिनेमा बॉक्स ऑफीसवर अपेक्षित कामगिरी करु शकला नाही.

अशातच अक्षय कुमार सध्या चांगलाच चर्चेत आलाय. कारण सुद्धा तसंच काहीसं आहे. अक्षय कुमारने एका मुलाखतीत पंतप्रधान मोदींचं कौतुक केलंय. काय म्हणाला अक्षय पाहूया.

(akshay kumar praised pm modi narendra modi but netizens troll him)

अक्षय कुमारने नरेंद्र मोदींचं केलं कौतुक

अक्षय कुमारने टाईम्स नाऊला दिलेल्या मुलाखतीत भाष्य केलंय,"आज मी पासपोर्ट घेऊन परदेशी एअरपोर्ट ऑफीसला उभा असतो. तेव्हा ते माझा पासपोर्ट बघतात. मला खूप आदर मिळतो अशावेळी. आणि ते सुद्धा अत्यंत आदर आणि सन्मानाने मला म्हणतात, अच्छा तुम्ही मोदींच्या देशातून आहात तर."

अक्षयचा हा व्हिडीओ सध्या चांगलाच व्हायरल झालाय.

अक्षयच्या बोलण्याची नेटकऱ्यांनी उडवली खिल्ली

अक्षय कुमार टाईम्स नाऊला दिलेल्या मुलाखतीत केलेल्या या वक्तव्यामुळे नेटकऱ्यांनी त्याची खिल्ली उडवली आहे. याला कारण असं की, अक्षयला भारताचं नागरिकत्व १५ ऑगस्ट २०२३ ला मिळालं. त्यानंतर अक्षय भारतात त्याच्या विविध सिनेमांचं शूटींग करण्यात व्यस्त आहे.

अशातच अक्षय मुलाखतीत म्हणाला, परदेशातील विमानतळांवर इमिग्रेशन विभाग भारतीय पासपोर्ट पाहून त्याला मान देतो आणि ते सांगतात की तुम्ही मोदींच्या देशाचे आहात.

पण अवघ्या दोन महिन्यात भारताचं नागरिकत्व मिळालेला अक्षय परदेशात कधी गेला, असा सवाल त्याला नेटकरी करत असून त्याच्या बोलण्याची खिल्ली उडवत आहेत.

अक्षय कुमारचा मिशन रानीगंज सिनेमा भेटीला

अक्षय कुमार आणि परिणीती चोप्रा यांच्या ‘मिशन रानीगंज’ सिनेमा काहीच दिवसांपुर्वी प्रेक्षकांच्या भेटीला आलाय. सिनेमात खऱ्या आयुष्यातील नायक जसवंत गिलची कथा आहे. अक्षय कुमारने चित्रपटात जसवंत गिलची भूमिका साकारली आहे.

हा चित्रपट पश्चिम बंगालमधील राणीगंज येथील कोळसा खाणीत 65 खाण कामगार अडकल्याच्या वास्तविक जीवनावर आधारित आहे. अक्षय कुमार अभिनीत पात्र जसवंत सिंग गिल सर्व 65 खाण कामगारांचे प्राण वाचवते. या घटनेनंतर जसवंत सिंग गिल हे 'कॅप्सूल गिल' म्हणून ओळखले जाऊ लागले.