श्रावणात खेळला जाणाऱ्या मंगळागौरीच्या सणाची उत्सुकता सर्वांना असते. मंगळागौर खेळण्यासाठी अनेक महिला मोठ्या संख्येने उपस्थित राहतात. अशातच बाईपण भारी देवा सिनेमामुळे मंगळागौरीच्या नवी मजा समस्त महिलावर्गाला समजलीय.

लग्नानंतरच्या पहिल्या मंगळागौरीची मजाच काही और असते. लग्नानंतर हार्दिक - अक्षया यांनी पहिली मंगळागौर साजरी केलीय. त्याचे फोटो सोशल मिडीयावर व्हायरल झालेत.

(akshaya deodhar hardeek joshi first mangalagaur photos viral)

हार्दिक - अक्षयाची लग्नानंतरची शाही मंगळागौर

हार्दिक जोशी आणि अक्षया देवधर यांनी लग्नानंतरची पहिली मंगळागौर साजरी केलीय. या दोघांचे मंगळागौर साजरे करतानाचे फोटो सोशल मिडीयावर चांगलेच व्हायरल झालेत.

हार्दिक - अक्षया दोघांनी सोनेरी रंगाचा एकमेकांना मॅचिंग ड्रेस परिधान केला होता. याशिवाय दोघांच्या घरी महादेवाची आलिशान सजावट करुन पूजा करण्यात आली. दोघांचे नातेवाईक या खास सोहळ्याला उपस्थित होते.

मंगळागौरीसाठी अक्षयाने काढली सुंदर मेहंदी

अक्षयाने सोशल मिडीयावर एक व्हिडीओ शेअर केलाय. या व्हिडीओत अक्षयाच्या हातावर मेहंदी रंगलेली दिसतेय.

या मेहंदीत अक्षयाच्या हातावर महामृत्युंजय मंत्र काढलेला दिसतोय. याशिवाय अक्षयाच्या हातावर अक्षयाची मंगळागौर असं लिहिलेलं दिसतंय. एकुणच अक्षया मंगळागौरसाठी जय्यत तयारी करताना दिसतेय.

हार्दिक आणि अक्षयाचं वर्कफ्रंट

तुझ्यात जीव रंगला मालिकेतील राणादा म्हणजेच अभिनेता हार्दिक जोशी आणि अन्य मराठी कलाकारांनी काही दिवसांपुर्वी एकनाथ शिंदेंच्या शिवसेना पक्षात प्रवेश केला.

त्याच्यासोबत त्याची बायको म्हणजेच अक्षया देवधरने सुद्धा शिवसेनेत प्रवेश केला. हार्दिक लवकरच महेश मांजरेकर दिग्दर्शित वेडात मराठे वीर दौडले सात या सिनेमात झळकणार आहे. अक्षया सध्या कोणत्याही नवीन प्रोजेक्टमध्ये काम करत नाहीय. हार्दिक सध्या तुझेच मी गीत गात आहे मालिकेत अभिनय करत आहे.