Alia Bhatt bollywood actres privacy break photo viral : महिलांच्या सुरक्षेचा मुद्दा हा नेहमीच वेगवेगळ्या प्रकारे समोर येताना दिसतो. आता बॉलीवूडमधील एका अभिनेत्रीचा तिच्या घरातील फोटो व्हायरल झाला आणि त्यामुळे मोठा गोंधळ उडाल्याचे दिसून आले. त्या अभिनेत्रीचे नाव आलिया भट. आलियाचा घरातील फोटो व्हायरल झाल्यानं तिनं संताप व्यक्त केला आहे.

आलियाच्या बाजुनं अनुष्कानं तिची संतप्त प्रतिक्रिया दिली आहे. लोकांना काहीही वाटत नाही. आलियाच्या बाबत जे काही झालं ते इतकं लाजिरवाणं आहे की आपण कोणत्या पातळीवर आलो आहोत हे दिसतं. बॉलीवूड सेलिब्रेटींविषयी प्रेम असणे वेगळे पण त्यांच्या वैयक्तिक आयुष्यात सातत्यानं ढवळाढवळ करणे कितपत योग्य आहे असा प्रश्न यावेळी अनुष्कानं नेटकरी आणि पापाराझ्झींना विचारला आहे.

Also Read - ..ही काळजी घ्या नाहीतर खिसा होईल साफ!

आलिया ही तिच्या घरातील लिव्हिंग रुममध्ये बसली होती. तेव्हा काही दोन अज्ञात व्यक्तींनी तिची शुटींग करायला सुरुवात केली. आलियानं त्या दोघांनाही पकडले. त्यानंतर आलियानं सोशल मीडियावर मोठी पोस्ट शेयर केली. त्यामध्ये ती म्हणते, लोकांना आमच्याविषयी काय वाटते हेच कळत नाही. आम्हाला आमची स्पेस नावाची गोष्ट आहे की नाही, अशाप्रकारे शुटींग करण्याची काय गरज होती, तुम्ही माझ्यासोबत गंमत करत आहात का, असा प्रश्न आलियानं उपस्थित केला आहे.

तुम्हाला आमची प्रायव्हसी ब्रेक करण्याचा अधिकार कुणी दिला, तुम्ही असे का करता, जेव्हा पाहावं तेव्हा तुम्ही सेलिब्रेटींचे फोटो घेण्यासाठी धावत असता, हा सगळा प्रकार कशासाठी असेही आलियानं विचारले आहे. अनुष्कानं म्हटलं आहे की, आमच्याबाबतही असाच प्रकार घडला होता. जे काही झाले ते अतिशय लाजीरवाणे आहे. आमच्या मुलीचा फोटो व्हायरल झाला होता. तेव्हा मी अतिशय नाराज झाले होते.