Alia Bhatt Reaction On Pathaan Success: मनोरंजन सृष्टीत सध्या सगळीकडे एकच चर्चा रंगलेली दिसत आहे..ती म्हणजे पठाणची. केवळ बॉक्सऑफिसवरच 'पठाण' राज्यकरताना दिसत नाही तर लोकांच्या मनावरही 'पठाण'चेच राज्य दिसत आहे. २५ जानेवारी रोजी 'पठाण' सिनेमागृहात प्रदर्शित झाला आहे. शाहरुख खान,दीपिका पदूकोण आणि जॉन अब्राहम अभिनित या सिनेमानं अनेक रेकॉर्ड ब्रेक करत नवीन रेकॉर्ड कायम केले आहेत.(Alia Bhatt Reaction On Pathaan Success)

बॉक्सऑफिसवरील कमाईत पठाणनं अनेक सिनेमांना पिछाडीवर टाकलं आहे. यादरम्यान आलिया भट्टनं आता शाहरुख खानच्या यशावर प्रतिक्रिया दिलीआहे. मंगळवारी ३१ जानेवारी रोजी, आलिया भट्ट आणि वरुण धवन झी सिने अॅवॉर्ड्स २०२३ संबंधित एका कार्यक्रमात हजर होते. यावेळी त्यांनी अनेक प्रश्नांची उत्तरं दिली. आणि 'पठाण' ला मिळणाऱ्या यशावरही त्या दोघांनी बातचीत केली.

'पठाण'ला मिळणाऱ्या यशावर प्रतिक्रिया नोंदवताना आलिया म्हणाली,''आम्हाला खूप आनंद होत आहे की 'पठाण' फक्त ब्लॉकबस्टर सिनेमा ठरलेला नाही तर भारतीय सिनेमातील सगळ्यात मोठा ब्लॉकबस्टर ठरलेला आहे''.

आपल्या या वक्तव्यानंतरआलियानं तिथं उपस्थित सगळ्यांना टाळ्यांचा गजरात 'पठाण'चं कौतूक करायला सांगितलं.

आलिया भट्ट पुढे म्हणाली,''पठाणला जे यश मिळालंय त्यासाठी मला किती आनंद होतोय हे वेगळं सांगायला नको आणि मी प्रार्थना करते देवाकडे की हे असे दिवस सारखे पहायला मिळू देत''.

आलिया नंतर वरुण धवननं 'पठाण'मुळे आम्हाला प्रेरणा मिळाली आहे अशा शब्दात आपला आनंद व्यक्त केला.

यादरम्यान आलियाला प्रश्न विचारला गेला की,'पठाणने ब्रह्मास्त्रचा रेकॉर्ड तोडला आहे यावर तू काय बोलशील?', तेव्हा आलिया म्हणाली,''प्रत्येक येणाऱ्या सिनेमाला आधीच्या सिनेमाचा रेकॉर्ड तोडायला हवा..मला खूप आनंद झाला आहे याक्षणी''.

शाहरुखचा 'पठाण' रिलीजच्या पहिल्या दिवसापासूनच बॉक्सऑफिसवर तगडी कमाई करताना दिसला होता. सिनेमाला रिलीज होऊन सहा दिवस झाले आहेत. आणि प्रत्येक दिवशी सिनेमा जबरदस्त कमाई करताना दिसत आहे.

मंगळवारी ३१ जानेवारी रोजी यशराज फिल्म्सने इन्स्टाग्रामवर 'पठाण'च्या वर्ल्डवाईड कलेक्शनचे आकडे शेअर केले आहेत,ज्यानुसार सिनेमानं जगभरात ५९१ करोडचा व्यवसाय केला आहे.