neetu kapoor birthday : एके काळी ऋषी कपूर (rushi kapoor) यांच्या काही चित्रपटांतून बॉलीवूड गाजवणारी नीतू कपूर ही ऋषी यांच्या निधनानंतर काही महिन्यांनी सोशल मीडियावर सक्रिय झाली. त्यांच्या मृत्यूनंतर नीतू कपूरने स्वत:ला सावरण्यासाठी टिव्ही आणि सोशल मीडियाचा आसरा घेतला. रडण्याऐवजी नीतूने स्वत:ला व्यस्त करत सावरण्याचा प्रयत्न केला. यामुळे अनेकांनी त्यांना ट्राेलही केले पण नीतू (neetu kapoor) यांनी सगळ्यांने सडेतोड उत्तर देत काम सुरु ठेवले. अशा बिनधास्त नीतू कपूर यांचा आज वाढदिवस.. त्यानिमित्ताने सूनबाई आलिया भट हिने आपल्या सासूला खास शुभेच्छा दिल्या आहे.

(Alia Bhatt Wishes Soon to be Dadi Neetu Kapoor On Her Birthday)

अभिनेत्री नीतू कपूर आता 65 व्यय वर्षात पदार्पण करत आहेत. विविध रिअलिटी शो, रणबीर- आलियाचं लग्न आणि नुकतीच आलियानं दिलेली गोड बातमी यामुळे नीतू कपूर गेली काही दिवस सतत चर्चेत असतात. अगदी त्यांच्या चित्रीकरण सुरू असलेल्या ठिकाणीही अनेक पापाराजी त्यांना भेटायला गेलेले जातात. त्यामुळे नीतू यांच्या वाढदिवशी चाहत्यांकडून त्यांच्या दीर्घायुष्यासाठी शुभेच्छांचा वर्षाव होत आहे. पण यामध्ये आलियाने दिलेल्या शुभेच्छांची सर्वाधिक चर्चा आहे.

नीतू कपूर यांच्या मुलगा रणबीर कपूर आणि आलिया भट्ट यांनी काही महिन्यापूर्वी लग्नगाठ बांधली. याच लग्नातील हळदीचा फोटो शेयर करत आलियाने शुभेच्छा दिल्या आहेत. या फोटोत आलिया आणि नीतू कपूर यांचे प्रेम दिसून येत आहेत. 'जगातील सर्वात सुंदर व्यक्तीला वाढदिवसाच्या खूप खूप शुभेच्छा. माझी सासू, माझी मैत्रीण आणि लवकरच होणाऱ्या आजीला खूप सारं प्रेम' असे कॅप्शन आलियाने दिले आहे. आलिया सध्या आई होणार असल्याने या शुभेच्छा विशेष आहे. सध्या नीतू कपूर लंडन मध्ये आपल्या लेकीच्या घरी म्हणजे रिद्धिमा कपूरच्या घरी वाढदिवस सेलेब्रेट करत आहे.