नुकताच धीरूभाई अंबानी इंटरनॅशनल स्कूलमध्ये वार्षिक समारंभ सोहळा आयोजित करण्यात आला होता. यावेळी शाहरुख खान, करीना कपूर, शाहिद कपूर, ऐश्वर्या राय बच्चन या सारख्या अनेक बॉलिवूड सेलिब्रिटींच्या मुलांनी परफॉर्म केले. सध्या सोशल मिडियावर हे व्हिडिओ व्हायरल होत आहे.

बॉलिवूडमध्ये स्टारकिड्सची नेहमीच चर्चा असते. काल अंबानी शाळेत वार्षिक कार्यक्रमाचे आयोजन करण्यात आले होते. यावेळी शाहरुख खान, करीना कपूर, शाहिद कपूर, ऐश्वर्या राय बच्चन अशा अनेक बॉलिवूड सेलिब्रिटींच्या मुलांनी डान्स करुन सर्वांना आश्चर्यचकित केले. पण सध्या सोशल मिडियावर ऐश्वर्या राय बच्चनची मुलगी आराध्याची सर्वात जास्त चर्चा आहे.

आराध्याचे अनेक व्हिडिओ सध्या सोशल मीडियावर व्हायरल होत आहेत. यावेळी आराध्याने उत्तम अभिनय केला आणि डान्सही केला. इतक्या लहान वयात आराध्याचे टॅलेंट पाहून लोक तिचे खुप कौतूक करत आहेत. यात आराध्या तिच्या आईसारखीच दिसत आहे. यावेळी आराध्याची आई ऐश्वर्या राय बच्चन तिचा व्हिडिओ शुट करताना दिसली.

तर दुसरीकडे शाहरुख खानचा मुलगा अबराम देखील डान्स करताना दिसला. कार्यक्रमादरम्यान एका नाटकात त्याने अभिनय केला. सर्वात महत्वाच म्हणजे त्याने आपल्या वडील शाहरुख खानची सिग्नेचर पोझही दिली.

व्हायरल होत असलेल्या एका व्हिडिओमध्ये अबराम खान स्टेजवर अभिनय करताना दिसला. त्याने 'दिलवाले दुल्हनिया ले जायेंगे' हे गाण्यावर डान्स केला. दरम्यान, करीना कपूरचा मोठा मुलगा तैमूरही स्टेजवर पांढऱ्या रंगाचा कुर्ता परीधान करून 'बर्फी' चित्रपटाच्या गाण्यावर डान्स करताना दिसला.

तैमूर खानचा डान्स व्हिडिओ देखील सोशल मिडियावर व्हायरल होत आहे. नेटकरी या व्हिडिओवर प्रतिक्रिया देत आहेत.