Aishwarya Rai with Abhishek and Aradhya: बॉलीवूडचे शहशाह अमिताभ बच्चन आणि पुर्ण बच्चन कुटूंब गेल्या काही दिवसांपासून चर्चेत आले आहे. अनेक दिवसांपासून ऐश्वर्या राय बच्चन आणि अभिषेक बच्चन यांच्या नात्यात दुरावा आला असून ते लवकरच वेगळे होणार आहेत अशा चर्चा सुरु झाल्या होत्या. मात्र अनेकदा बच्चन कुटुंबाने एकत्र येत सर्व बातम्याचे खंडण केले आहे. आता घटस्फोटाच्या बातम्या दरम्यान हे स्टार कपल पुन्हा एकदा एकत्र आले आहे.

अलीकडेच अभिनेत्री ऐश्वर्या राय बच्चन, पती अभिषेक बच्चन आणि अमिताभ बच्चन आणि आराध्यासोबत कबड्डी सामन्याचा आनंद घेताना दिसली.

कबड्डी सामन्यादरम्यान ऐश्वर्या, अमिताभ बच्चन, आराध्या बच्चन आणि अभिषेक एकत्र त्यांच्या टिमला चिअर करताना दिसले. यावेळी ऐश्वर्या, अभिषेक, अमिताभ आणि आराध्या यांनी जयपूर पिंक पँथर्सची जर्सी परिधान केली होती. ऐश्वर्या तिचे सासरे आणि अभिषेक सोबत खुपच खुश दिसली.

सध्या त्याचे बरेच व्हिडिओ सोशल मिडियावर व्हायरल होत आहे. ज्यामुळे पुन्हा एकदा दोघांच्या घटस्फोटाच्या बातम्या निरर्थक असल्याचे समोर आले आहे. यामुळे ऐश्वर्या, अभिषेक, अमिताभ यांच्या चाहत्यांना दिलासा मिळाला आहे. आता हा व्हिडिओ व्हायरल होताच ऐश्वर्या राय बच्चन आणि अभिषेक बच्चन यांच्या चाहते कमेंट करत आहेत.

20 एप्रिल 2007 रोजी अभिषेक-ऐश्वर्याचे लग्न झाले. या लग्नाचे फोटो सोशल मीडियावर व्हायरल झाले होते. लग्नाच्या चार वर्षानंतर दोघेही आई-वडील झाले आणि त्यांच्या मुलीचे नाव आराध्या आहे. आता दोघांनी एकत्र येत घटस्फोटाच्या बातम्यांना विराम दिला आहे.