Amol Kolhe On Bailgada Sharyat: ग्रामीण महाराष्ट्रासाठी अत्यंत महत्वाची आणि आंनदाची बातमी समोर आली. बैलगाडा शर्यतीला सर्वोच्च न्यायालयाने मोकळी वाट करुन दिली आहे. हा निर्णय आल्यानंतर बैलगाडा शर्यतीच्या चाहत्यांमध्ये आनंदाचं वातावरण आहे.

यावेळी तामिळनाडूतील जलीकट्टू आणि महाराष्ट्रातील बैलगाडा शर्यतीच्या निकालाचे एकत्रित वाचन करण्यात आले आणि बैलगाडा शर्यतीला सर्वोच्च न्यायालयाने परवानगी दिली आहे

सर्वच स्थरावरुन या निर्णयाचं स्वागत करण्यात आलं तर राजकिय विश्वातुन या निर्णयावर प्रतिक्रियाही आल्या आहेत. त्यातच खासदार अमोल कोल्हे यांनीही आनंद व्यक्त करत या निर्णयावर प्रतिक्रिया दिली.

याविषयी बोलतांना कोल्हे म्हणालेत की, शेतकऱ्यांसाठी आजचा दिवस खुप महत्वाचा दिवस असून सगळ्यांच्या प्रयत्नांना यश आल्याचं त्यांनी सांगितलं. त्याचबरोबर त्यांनी आजी माजी दोन्ही सरकारचे आभार मानले. सरकारने सकारात्मक निर्णय दिल्यामुळे आणि शेतकऱ्यांच्या, संघटनांच्या सकारात्मक प्रयत्नांमुळे हे सगळं शक्य झालं. त्यांमुळे सगळ्यांचे आभारही त्याने मानले.

त्याचबरोबर त्यांनी सोशल मिडियावर पोस्ट शेअर करत सर्वांना शुभेच्छा दिल्या आहेत आणि हा विजय तमाम शेतकरी बांधवांना समर्पित केला.

ते पोस्टमध्ये लिहितात की, 'बैलगाडा मालक, शौकीन व बळीराजाने काळजात जपलेली या मातीतील बैलगाडा शर्यत कायमस्वरूपी सुरू झाल्याबद्दल यावर प्रेम करणाऱ्या सर्वांचे मनःपूर्वक अभिनंदन!

या विजयाचं संपूर्ण श्रेय ऐन बंदीच्या काळातही आपल्या बैलांना पोटच्या लेकरांप्रमाणे जीव लावणाऱ्या सर्व बैलगाडा मालकांना जातं! बैलगाडा शर्यत सुरू करण्यासाठी योगदान देणाऱ्या सर्वांचे आभार!' त्याचबरोबर त्यांनी सर्व बैलगाडा मालकांना हा विजय समर्पित केला'

त्यांनी सांगितले की, बैलगाडा शर्यतीवर चित्रपट काढण्याची तयारी सुरु असून लवकरच हा चित्रपट प्रेक्षकांच्या भेटीला येणार . या चित्रपटात बैलगाडा मालकाचे कष्ट, बैलांसोबत असलेलं त्याचं प्रेमळ नातं हे सगळं प्रेक्षकांपर्यंत पोहोचणार असल्याचही त्यांनी सांगितलं आहे.

बैलगाडा शर्यतींवरील चित्रपटाबद्दल बोलायचं झालं तर लवकरच राष्ट्रीय पुरस्कारप्राप्त दिग्दर्शक मकरंद माने यांच्या खिल्लार या आगामी चित्रपटात बैलगाडा शर्यत आणि त्याभोवतीचे वातावरण दाखवले जाणार असून, रिंकू राजगुरू आणि ललित प्रभाकर या चित्रपटात प्रमुख भूमिकेत दिसणार आहेत