Prasad - Amruta Ukhana Video: प्रसाद जवादे - अमृता देशमुख हे मराठी मनोरंजन चर्चेतलं कपल आहे. दोघांच्या घरी लगीनघाई सुरु झालीय. काल २ सप्टेंबरला दोघांनी पहिलं केळवण केलं.

या केळवणाचे फोटो सोशल मिडीयावर चांगलेच व्हायरल झाले आहेत. दोघांच्या लग्नाला अजुन दोन महिने असले तरीही दोघांच्या लग्नविधींना सुरुवात झालीय. दोघांनी पहिल्या केळवणाचा आस्वाद घेतला. यावेळी अमृता - प्रसादने पहिल्यांदाच एकमेकांसाठी उखाणा घेतला. त्याचा व्हिडीओ चांगलाच व्हायरल झालाय.

(amruta deshmukh prasad jawade ukhana video viral)

अमृता - प्रसादने घेतला एकमेकांसाठी झक्कास उखाणा

अमृता - प्रसाद यांनी नुकतंच पहिल्या केळवणाचा आनंद घेतला. त्यानिमित्ताने दोघांनी एकमेकांसाठी फर्मास उखाणा घेतला.

अमृताने उखाणा घेतला की, "नाटकांच्या प्रयोगासाठी फिरते मी वणवण, प्रसादचं नाव घेते आजोबांनी केलं पहिलंच केळवण."

तर दुसरीकडे प्रसादने उखाणा घेतला की, "कितीही वणवण फिरलीस तरी माझे चित्त फक्त तुझ्यापाशी, अमृताचं नाव घेतो आज केळवणाच्या दिवशी"

अमृता - प्रसाद एकमेकांसाठी उखाणा घेतल्यावर एकमेकांंचं खास पदार्थ भरवत तोंड गोड केलं

कोणाच्या घरी झालं अमृता - प्रसादचं पहिलं केळवण

अमृता - प्रसादने पहिलं केळवण कुठे झालं असा प्रश्न तुम्हाला पडला असेल तर आम्ही त्याचं उत्तर देतो. अमृताच्या नानांनी म्हणजे आईच्या बाबांनी ८७ व्या वर्षी लाडकी नात अमृतासाठी केळवणाचा घाट घातला होता

अमृता याबद्दल लिहिते, "आजोबांनी (आईच्या बाबांनी) वयाच्या 87 व्या वर्षी सगळं planning करून, भेटवस्तू, बुके ह्या सगळ्यांनी सजवून केळवणाला सुरवात केली..एवढं सगळं झाल्यावर मग "उखाणा घ्या" ह्या ऑर्डर ला नाकारणार कसं."

या तारखेला प्रसाद - अमृता करणार लग्न

काही दिवसांपुर्वी प्रसाद - अमृताने साखरपुड्याते फोटो शेयर करत चाहत्यांना गोड बातमी दिली. हे फोटो शेअर करत त्यांनी लिहिलयं की, 'आमचा साखरपुडा झाला आहे, आम्ही अधिकृतपणे कायमस्वरूपी टीम मेंबर म्हणून एकमेकांना नॉमिनेट करत आहोत आणि आमच्या मार्गात येणाऱ्या कोणत्याही टास्कला सामोरे जाण्यासाठी आम्ही तयार आहोत. असं हटके कॅप्शन त्यांने या फोटोला दिलं आहे.

या पोस्टसोबत त्यांनी त्याच्या लग्नाची तारीखही प्रेक्षकांसोबत शेयर केली होती. हे दोघं येत्या 18 नोव्हेंबरला लग्नबंधनात अडकणार आहे.