Anant Radhika Pre Wedding Dance video : अनंत अन् राधिकाच्या प्री वेडिंगची साऱ्या देशभर चर्चा आहे. त्याला जगभरातून वेगवेगळ्या क्षेत्रांमधून पाहुणे आले आहे. जगप्रसिद्ध अशा मायक्रोसॉफ्ट कंपनीचे संस्थापक अध्यक्ष बिल गेट्स पासून मेटा फेसबूकच्या मार्क झुकरपर्यत अनेक मान्यवर उपस्थित होते. गुजरातमधील जामनगर येथे हा सोहळा पार पडत आहे.

गेल्या दोन दिवसांपासून अनंत अन् राधिकाच्या प्री वेडिंगची चर्चा होताना दिसत आहे. त्यासाठी चार महिन्यांपासून प्री प्लॅनिंगही सुरु होते. अशातच अखेर हा सोहळा मोठ्या उत्साहात पार पडताना दिसतो आहे. त्याला बॉलीवूडमधील तारे तारकांनी हजेरी लावली आहे. बिझनेस, राजकारण, समाजकारण, साहित्य अन् कला क्षेत्रातील मान्यवर यांनी सोहळ्याला उपस्थिती दर्शवली आहे.

आता सोशल मीडियावर अनंत अंबानी आणि राधिकाच्या डान्सचा व्हिडिओ व्हायरल झाला आहे. आजकल तेरे मेरे प्यार के चर्चे हर जुबान पर...या गाण्यावर त्यांनी केलेला डान्स हा अनेकांच्या कौतुकाचा विषय आहे. अनंतनं यापूर्वी त्याच्या मनोगतातून आई आणि वडील यांच्या विषयीच्या भावना व्यक्त केल्या होत्या. त्यावेळी मुकेश अंबानी भावूक झाल्याचे दिसून आले होते. तो व्हिडिओ नेटकऱ्यांच्या चर्चेचा विषय होता.

गुजरात मधील जामनगरमध्ये पार पडणाऱ्या या सोहळ्याचे अनेक व्हिडिओ सोशल मीडियावर व्हायरल झाले आहेत. त्यातील प्रत्येक इव्हेंटची चर्चा झाली असून त्यासाठी खास ड्रेस कोडही ठेवण्यात आले होते. जंगल थीममध्ये वेगवेगळे कार्यक्रम, त्यासाठी वेगळी ड्रेपरी हे या सोहळ्याचे वेगळे वैशिष्ट्य अन् वेगळेपण म्हणावे लागेल. या शिवाय अन्य कार्यक्रमांमध्ये देखील उपस्थित पाहुण्यांना ठराविक ड्रेपरी परिधान करण्यास सांगण्यात आले होते.

अनंत राधिकाच्या प्री वेडिंगचे मुख्य आकर्षण ठरले आहे ते रिहानाचा परफॉर्मन्स. असं म्हटलं जात आहे की, कोट्यवधी रुपये खर्च करुन तिला परफॉर्मन्ससाठी बोलावण्यात आले. ज्याची चर्चा होत आहे. सोशल मीडियावर रिहानाच्या गाण्यांचे व्हिडिओ व्हायरल झाले आहे.

मुकेश अन् नीता अंबानी यांनी देखील राज कपूर यांच्या चित्रपटातील एका गाण्यावर केलेला डान्स हा त्या सोहळ्यातील खास चर्चेचा विषय होता. तो ही सोशल मीडियावर नेटकऱ्यांचे लक्ष वेधून घेताना दिसत आहे.