Anaya Soni Latest News टीव्ही अभिनेत्री अनाया सोनीची (Anaya Soni) प्रकृती चिंताजनक आहे. टीव्ही शो मेरे साईच्या शूटिंगदरम्यान अनाया सोनी अचानक बेशुद्ध पडली होती. यानंतर तिला रुग्णालयात दाखल करण्यात आले. सोनीची प्रकृती अद्याप चांगली नाही आणि गुंतागुंत खूप वाढली आहे. अनायाच्‍या इंस्‍टा अकाऊंटवरून चाहत्यांना प्रकृतीचे अपडेट दिले जात आहे.

अनाया सोनीची (Anaya Soni) एक किडणी (Kidney) पूर्णपणे खराब झाली आहे. तिची खराब झालेली किडणी बदलावी लागेल. अनाया डायलिसिसवर आहे. तिच्या प्रकृतीवर इतका खर्च होत आहे जो कुटुंबाला सांभाळणे कठीण जात आहे, असे अनायाच्या वडिलांनी सांगितले.

अनायाच्या कुटुंबाची आर्थिक परिस्थिती चांगली नसल्याने मुलीच्या उपचाराचा खर्च भागवणे कठीण जात आहे. अनायाने अलीकडेच प्रकृतीची माहिती देणारा इन्स्टाग्राम पोस्ट केला आहे. ज्यामध्ये ती म्हणाली, ‘डॉक्टर सांगत आहेत की माझी किडणी निकामी झाली आहे. मला डायलिसिसवर जावे लागेल.’ सोशल मीडियावर युजर्सनी तिला आयुर्वेदिक उपचारांकडे वळण्याचा सल्ला दिला आहे.

अनायाने लिहिले, माझी क्रिएटिन लेव्हल १५.६७ वर आली आहे आणि हिमोग्लोबिन ६.७ वर आला आहे. माझी प्रकृती खूप गंभीर आहे. माझ्यासाठी प्रार्थना करा. माझे जीवन सोपे नाही आहे. परंतु, मी ते सोपे करण्याचा प्रयत्न करत होती. हेही लवकरच पार पडेल. मी लवकरच किडणी प्रत्यारोपण करणार आहे. मी डायलिसिसनंतर किडनीसाठी अर्ज करेन.