दक्षिणेतील लोकप्रिय अभिनेत्री अनिका विजय विक्रमण तिच्या फोटोंमुळे खूप चर्चेत असते. अलीकडे, अनिकाने सोशल मीडियावर तिचे सुजलेले डोळे आणि जखम दिसणारे काही फोटो शेअर केली आहेत, ज्याने चाहत्यांना गोंधळात टाकले आहे. ही छायाचित्रे पाहून सर्वांनाच आश्चर्याचा धक्का बसला आहे. अनिकाची ही अवस्था कशी झाली असा प्रश्न तिचे चाहते विचारत आहेत. मात्र याचं उत्तरही तिने तिच्या पोस्टमध्ये दिलं आहे.

अनिका विजयी विक्रमनं शेअर केलेल्या फोटोंमध्ये तिच्या डोळ्यासह चेहऱ्यावर आणि शरीराच्या इतर भागावर गंभीर जखमांच्या खुणा दिसत आहेत. डोळ्यांची अवस्था अशी आहे की पाहिलंही जात नाही आहे.

अनिकाने माजी प्रियकर अनूप पिल्लईवर मारहाण आणि शारीरिक शोषणाचा आरोप केला आहे. तो तिला सतत धमक्या देत असून कुटुंबाच्या सन्मानावरही चिखलफेक करत आहे.

अनिकाने तिच्या पोस्टमध्ये लिहिले, 'माझ्यासोबत पूर्वी जे काही झाले ते सोडले असूनही, मला सतत धमकीचे फोन येत आहेत. माझ्या कुटुंबावर सातत्याने चिखलफेक होत आहे. तिने पुढे लिहिले की, 'मी दुर्दैवाने अनूप पिल्लई नावाच्या व्यक्तीला डेट करत होते, पण त्याने माझा मानसिक आणि शारीरिक छळ केला. त्याच्यासारखा माणूस मी पाहिला नाही. एवढे करूनही तो मला धमक्या देत आहे. मी स्वप्नातही विचार केला नव्हता की तो असे कधी करेल.

अनिकाने पुढे लिहिले, 'जेव्हा त्याने मला पहिल्यांदा मारहाण केली तेव्हा आम्ही चेन्नईत होतो. मग तो माझ्या पाया पडून रडू लागला. त्याला माफ केलं कारण मी मूर्ख होते. बंगळुरूला असताना दुसऱ्यांदा मारहाण झाली. त्यानंतर मी पोलिसांत तक्रार केली. मात्र त्याने पोलिसांना पैसे खाऊ घातले. त्यांनी आम्हाला आपापसात प्रकरण मिटवायला सांगितले. यामुळे त्याला पुन्हा माझ्यावर हल्ला करण्याची हिंमत मिळाली.