Animal on OTT News: रणबीर कपूरचा 'ॲनिमल' सिनेमा २०२३ मध्ये चांगलाच गाजला. 'ॲनिमल'वर काही लोकांनी टिका केली तर काहींनी 'ॲनिमल'वर कौतुकाचा वर्षाव केला.

अशातच 'ॲनिमल' ओटीटीवर रिलीज झालाय. २६ जानेवारीला प्रजासत्ताक दिनाच्या मुहूर्तावर 'ॲनिमल' नेटफ्लिक्सवर रिलीज झालाय. पण 'ॲनिमल' नेटफ्लिक्सवर रिलीज होताच नेटकऱ्यांनी मात्र टिकेचा भडीमार केलाय.

'ॲनिमल'वर नेटकऱ्यांनी केली टिका

नेटफ्लिक्सने शुक्रवार, 26 जानेवारी रोजी 'ॲनिमल' रिलीज झाल्याची बातमी जाहीर केली. यापुर्वी अनेक अहवालांमध्ये दावा करण्यात आला होता की, ॲनिमल एक्सटेंडेड कटसह नेटफ्लिक्सवर येणार आहे.

याचा अर्थ हा 'ॲनिमल' स्ट्रिमिंग प्लॅटफॉर्मवर मूळ सिनेमाशिवाय अतिरिक्त 8 ते 9 मिनिटांच्या फुटेजसह प्रीमियर होणार होता. 'ॲनिमल'ची ही ओटीटी आवृत्ती पाहण्यासाठी चाहते खूप उत्साहित झाले. आणि जेव्हा 'ॲनिमल'चा प्रीमियर दिवस आला तेव्हा विस्तारित कट नसल्यामुळे लोकं निराश झाले आणि त्यांनी 'ॲनिमल'ची टिम आणि नेटफ्लिक्सला ट्रोल करण्यास सुरुवात केली.

एक्स्टेंडेड कट नसल्याने 'ॲनिमल'च्या ओटीटी आवृत्तीवर प्रतिक्रिया देताना सोशल मीडिया वापरकर्त्यांनी नेटफ्लिक्स स्ट्रीमिंग प्लॅटफॉर्मवर टीका केली. एका युजरने लिहिले, ''आधी सांगितल्याप्रमाणे Netflix वर एक्सटेंड कटशिवाय 'ॲनिमल' रिलीज झाल्याने आम्ही निराश झालो."

दुसऱ्या युजरने लिहिले, '''ॲनिमल'च्या विस्तारित आवृत्तीचे काय झाले?? तुम्ही 'ॲनिमल' चा विस्तारित कट कधी रिलीज करत आहात.'' अशा प्रतिक्रिया देत नेटकऱ्यांनी त्यांचा संताप व्यक्त केलाय.

'ॲनिमल' विषयी सांगायचं झालं तर....

संदीप रेड्डी वंगा दिग्दर्शित, या चित्रपटात अनिल कपूर, बॉबी देओल, रश्मिका मंदान्ना, तृप्ती डिमरी, सुरेश ओबेरॉय, शक्ती कपूर आणि प्रेम चोप्रा देखील आहेत.

संदीप रेड्डी वंगा दिग्दर्शित, या चित्रपटात अनिल कपूर, बॉबी देओल, रश्मिका मंदान्ना, तृप्ती डिमरी, सुरेश ओबेरॉय, शक्ती कपूर आणि प्रेम चोप्रा देखील आहेत.