पॅरिस : प्रसिद्ध अभिनेता अनू कपूर यांना फ्रान्समध्ये काही चोरांनी लुटले. ही घटना पॅरिसच्या डिजोन रेल्वेस्थानकावर घडली. सामान रेल्वेत ठेवत असताना काही जण मदतीला धावले. या दरम्यान बॅग चोरीला गेली. या बॅगमध्ये रोख रक्कम, क्रेडिट कार्ड आणि आय-पॅड आदी होते. मात्र पासपोर्ट चोरीला न गेल्याने अनू कपूर (Annu Kapoor) यांनी सुटकेचा निःश्वास सोडला आहे. (Annu Kapoor Robbed By People In Dijon Of Paris In France)

या सर्व घटनेबाबतची माहिती देणारा व्हिडिओ स्वतः अनू कपूर यांनी सोशल मीडियावर शेअर केला आहे. त्यात अनु कपूर यांनी फ्रान्समध्ये येणाऱ्या भारतीयांना काळजी घेण्याचे आवाहन केले. फ्रान्समध्ये (France) आला तर जास्त काळजी घ्या, कधी फ्रान्समध्ये आला तर चोरांपासून सावध राहा, अशी विनंती त्यांनी इतरांना केली.

पॅरिसमध्ये पोहोचल्यावर चोरांविरोधात तक्रार दाखल करणार असल्याचे अनू कपूर म्हणाले. येथील रेल्वेवाल्यांनी मला मदत केली आहे. धन्यवाद देवा पासपोर्ट चोरीला गेलेले नसल्याचे त्यांनी म्हटले आहे.