रुपाली गांगुली हे टिव्हि विश्वातलं खुप लोकप्रिय आणि चर्चेतलं नाव आहे. रुपालीने आता पर्यंत डॉ. सिमरन, मोनिशा साराभाई आणि पिंकी यांसारख्या लोकप्रिय भुमिका साकरल्या आहेत. आता ती सध्या अनुपमाच्या भूमिकेतुन चाहत्यांची मने जिंकत आहे.

सात वर्षांच्या ब्रेकनंतर रुपाली गांगुली 'अनुपमा'सोबत टेलिव्हिजनवर परतली आणि तिने तिची जादू पुन्हा दाखवली. 'अनुपमा' शो सध्या खूप चर्चेत आहे. हा शो त्याच्या आगामी ट्रॅकमुळे प्रेक्षकांच्या पसंतीस उतरला आहे. मात्र लोकांची मने जिंकने हे रुपालीसाठी इतक सोपं नव्हत. आता अलीकडेच रुपालीने खुलासा केला आहे की ती लोकांकडून बॉडी शेमिंगची कशी शिकार झाली होती.

रुपालीने आपल्या अभिनयाने प्रेक्षकांच्या हृदयात स्थान निर्माण केले आहे. मात्र, सध्याच्या अनुपमा मालिकेच्या ट्रॅकमुळे तिला सोशल मीडियावर अनेक ट्रोलचा सामना करावा लागला आहे, ज्याला तिने चोख प्रत्युत्तरही दिले आहे. मात्र यामुळे रुपालीला आता पुन्हा एकदा तिचा भुतकाळ आठवला जेव्हा लोक तिला जाड म्हणत ट्रोल करायचे.

रुपालीने तिच्या नुकत्याच दिलेल्या मुलाखतीत बॉडी शेमिंगवर भाष्य केलं आणि सांगितले की रुपाली म्हणाली की ती कधीच करिअर ओरिएंटेड नव्हती. ती स्वतःला फ्लोटर समजायची. तिला कोणतीही महत्वाकांक्षा नव्हती. तिला फक्त लग्न आणि मुलं हवी होती. तिची एकच इच्छा होती आणि तिला त्याचा खूप अभिमान आहे. ती सांगते की तिला गृहिणी व्हायचं होतं.

रुपाली पुढे म्हणाली, 'एवढी मोठी स्टार होण्याचा मी स्वप्नातही विचार केला नव्हता'. रुपालीने तिच्यासोबत झालेल्या बॉडी शेमिंगवर मौन तोडले आणि म्हणाली, लोक मला म्हणायचे, अरे तू मोनिशा आहेस ना, इतकी जाड झाली आहेस.'

पुढे ती म्हणते, 'माझी एक अभिनेत्री मैत्रीण मला भेटायला आली आणि ती मला म्हणाली, 'अरे तू तो आंटी बन गई'. कोणी कितीही चांगलं बोललं तरी त्याचा तुमच्यावर मानसिकदृष्ट्या खूप वाईट परिणाम होतो. लोक काहीही म्हणाले तरी त्यांना तुम्हाला आंटी किंवा जाड म्हणण्याचा अधिकार नाही.'

टीव्हीवर परतल्याविषयी रुपाली म्हणाली, 'माझं एक उद्दिष्ट होतं आणि ते म्हणजे प्राणी आणि वृद्धांसाठी घर बांधणे. आधी मला घर चालवायला आणि नंतर प्राण्याच्या आश्रयासाठी पैशाची गरज होती आणि मला अभिनयाची जाण असल्यामुळे मी ते करायचं ठरवलं आणि आज मला माझ्या निर्णयाचा अभिमान वाटतो.