Anurag Kashyap does not want to work with Ranbir Kapoor : रणबीर कपूर आणि रश्मिका मंदानाच्या अॅनिमल नावाच्या चित्रपटानं आता प्रेक्षकांच्या मनावर गारुड केलं आहे. त्याची सगळीकडे जोरदार चर्चा आहे. बॉक्स ऑफिसवर या चित्रपटानं मोठी कमाईही केली आहे. बॉलीवूडमधील अनेक सेलिब्रेटींनी त्याचे कौतुक केले असून प्रसिद्ध चित्रपट निर्माते आणि दिग्दर्शक अनुराग कश्यपनं रणबीरवर दिलेली प्रतिक्रिया चर्चेत आली आहे.

एका मुलाखतीच्या वेळी अनुरागला असे विचारण्यात आले की, तुला रणबीरसोबत दुसऱ्यांदा काम करायला आवडेल का, त्यावर तो म्हणाला की, तो एक प्रसिद्ध कलाकार आहे. त्याचा चाहतावर्गही मोठा आहे. त्याच्यासोबत काम करायला कोण नाही म्हणेल. इंडस्ट्रीतील अनेकजण त्याच्याबरोबर काम करायला उत्सुक आहे. ज्याच्याजवळ जास्त चाहते त्याच्यासोबत दिग्दर्शक काम करतातच.

माझ्याकडे एखादा चित्रपट ब्लॉकबस्टर होईल असा कोणताही फॉर्म्युला नाही. त्यामुळे मी त्याला आणि त्याच्या अभिनयाला न्याय देऊ शकेल का असा माझ्या मनात प्रश्न आहे. अशा शब्दांत अनुरागनं त्याच्या भावना व्यक्त केल्या आहेत.

अनुरागनं त्या मुलाखतीमध्ये म्हटले आहे की, आपली लोकं चित्रपटांमध्ये काही प्रयोग करायला मागत नाही. त्यामुळे त्यामध्ये तोचतोचपणा येतो आहे. प्रेक्षकांना नेहमीच प्रयोगशीलता आवडते. त्याला ते दाद देतात. नाहीतर मग त्यांच्याकडून टीका वाट्याला येते. जेव्हा तुम्ही एखाद्या स्टारसोबत काम करता तेव्हा तुमच्यापुढे अनेक आव्हानं असतात. हे लक्षात ठेवण्याची गरज आहे. बॉक्स ऑफिसवर एखाद्या चित्रपटाचा हिट फॉर्म्युला वेगवेगळ्या गोष्टींनी ठरतो. मला ते जमलेच असे नाही.

अनुराग कश्यपनं संदीप रेडडी वांगाच्या अॅनिमलचे कौतुक केले आहे. त्यातील रणबीरच्या भूमिकेची प्रशंसा केली आहे. सोशल मीडियावर देखील त्या मुलाखतीनं नेटकऱ्यांना प्रतिक्रिया देण्यास भाग पाडले आहे. याविषयी अॅनिमलच्या मेकर्सनं म्हटलं आहे की, येत्या काळात हा चित्रपट जगभरातून ५५० कोटी रुपयांचा बिझनेस करेल. अशा प्रकारे हिंदी चित्रपट विश्वात हा चित्रपट मोठी कमाई करेल असा विश्वासही यावेळी व्यक्त करण्यात आला आहे.