मुंबई- अभिनेत्री अनुष्का शर्मा बॉलीवूडच्या टॉपच्या अभिनेत्रींपैकी एक आहे. इतकंच नाही तर देशाची एक जागरुक नागरिक देखील आहे. ती पर्यावरण वाचवण्यापासून ते कोरोना व्हायरसपासून बचाव करण्यापर्यंतच्या अनेक गोष्टी सोशल मिडियावर शेअर करत असते.नुकतेच अनुष्काने तिच्या सोशल मिडियावर तिचे कुत्र्यासोबतचे काही फोटो शेअर केले आहेत.हे फोटो ट्रेंडमध्ये तर आहेतंच मात्र यासोबतंच तिने रोगप्रतिकारक शक्ती वाढवण्यासाठी एक जबरदस्त आयुर्वेदिक उपाय सांगितला आहे. 

हे ही वाचा: सुशांत प्रकरणाच्या तपासाबाबत महाराष्ट्राचे गृहमंत्री अनिल देशमुख यांंचं मोठं वक्तव्य..

अनुष्का शर्माने तिच्या इंस्टाग्राम अकाऊंटवर फोटो पोस्ट करुन एक पोस्ट देखील लिहिली आहे. या फोटोमध्ये अनुष्का तिच्या कपड्यांवरुन सकाळी उठल्यावरच्या लूकमध्ये दिसतेय. या पोस्टमध्ये देखील तिने तिच्या दररोज सकाळच्या रुटीन बद्दल सांगितलं आहे. अनुष्काने तिच्या पोस्टमध्ये लिहिलं आहे की ती दररोज हा उपाय करते. सोबतंच सकाळी हे करत असताना तिचा कुत्रा देखील तिच्यासोबत असतो. 'ऑईल पुलिंग'चा हा उपाय आहे. याला 'गंडुशा' देखील म्हटलं जातं.

अनुष्काने हा उपाय कसा करायचा हे देखील सांगितलं आहे. तसंच त्याचा होणार फायदाही तिने शेअर केला आहे. तिने लिहिलंय, 'ही एक डेंटल टेक्निक आहे. हे सकाळी उपाशी पोटी करायचं असतं. यात सकाळी उठल्यावर उपाशी पोटी तोंडामध्ये थोडंसं तेल घेऊन चुळ भरतो तसं करायचं आहे. थोडावेळ तोंडामध्ये तसं केल्यानंतर मग हे थुकून टाकायचं आहे.'

याच्या फायद्याबद्दल सांगताना अनुष्काने लिहिलंय, 'दातांच्या स्वच्छतेसाठी आणि त्यांच्या आरोग्यासाठी हे उत्तम असतं. सोबतंच हे शरिरातील विषारी पदार्थ देखील बाहेर काढायला मदत करतं.' अनुष्का लिहिते की, 'सध्या आपण आपल्या आरोग्याची जास्त काळजी घेत आहोत. सोबतंच शरिराची रोगप्रतिकारक शक्ती वाढवण्यावर लक्ष देत आहोत. म्हणून विचार केला की हे तुमच्यासोबतंही शेअर करावं. आशा करते की यामुळे तुम्हाला देखील फायदा होईल.'

अनुष्काचे कुत्र्यासोबतचं फोटो, तिचं सकाळचं रुटीन आणि तिने सांंगितलेले हे उपाय सोशल मिडियावर चांगलेच व्हायरल होत आहेत.   

anushka sharma shares oil pulling technique with fans for immunity