अभिनेत्री मलायका अरोरासोबत घटस्फोट घेतल्यानंतर अरबाज खानने ६ वर्षांनी दुसरं लग्न केलं आहे. अरबाज खान आणि शूरा खान यांचा विवाह सोहळा बहीण अर्पिताच्या घरी हा सोहळा पार पडला. या लग्नसोहळ्यात कुटुंबिय आणि काही जवळचे लोक सहभागी झाले होते.

अरबाज खान आणि मलायका अरोरा यांचा मुलगा अरहान देखील लग्न सोहळ्याला उपस्थित होता. याशिवाय सलमान खान, रितेश देशमुख, जिनिलिया देशमुख, बाबा सिद्दीकी, सलमा खान, हर्षदीप कौर, युलिया वंतूर यांनी देखील या लग्नाला हजेरी लावली.

दरम्यान खान आणि शूरा खान यांचा विवाह सोहळा 24 डिसेंबरला मुंबईत लग्न होणार असल्याचा दावा यापूर्वीच्या बातम्यांमध्ये करण्यात आला होता.

अरबाज आणि मलायका यांनी १९९८ मध्ये लग्न केलं होतं. २०१७ मध्ये दोघांनी घटस्फोट घेतला. दोघांना अरहान नावाचा मुलगा आहे. अरबाजसोबत घटस्फोटानंतर मलायका आणि अर्जुन कपूर रिलेशनशिपमध्ये आहेत.

शूरा खानसोबत लग्नाच्या अफवांमुळे चर्चेत आलेल्या अरबाज खानने अखेर 24 डिसेंबरला शूरा खानसोबत लग्नगाठ बांधली. शूरा ही बॉलिवूड अभिनेत्री रवीना टंडनची मेकअप आर्टिस्ट आहे. मुंबईतील अर्पिता खानच्या घरी हा विवाहसोहळा पार पडला आणि या जोडप्याने त्यांच्या जवळचे मित्र आणि कुटुंबीयांच्या उपस्थितीत लग्न सोहळा पार पडला. अरबाज आणि शूराने त्यांच्या इन्स्टाग्रामवर लग्नाचे फोटो शेअर केले आहेत.

अशी झाली दोघांची भेट

शूरा मेकअप आर्टिस्ट आहे. त्यांनी अनेक चित्रपट आणि टेलिव्हिजन शोमध्येही काम केले आहे. लव्हबर्ड्स अरबाज आणि शूरा अभिनेत्याच्या आगामी चित्रपट पटना शुक्लाच्या सेटवर भेटले. अरबाज स्वत: त्याच्या प्रोडक्शन बॅनरखाली या चित्रपटाची निर्मिती करत आहे. चित्रपटाच्या कलाकारांमध्ये रवीना टंडन, मानव विज, चंदन रॉय सन्याल, जतिन गोस्वामी आणि अनुष्का कौशिक यांचा समावेश आहे. दिवंगत सतीश कौशिक देखील या चित्रपटाचा एक भाग होते.