Arbaaz Khan marries make-up artist Shura Khan:

सध्या सोशल मिडियावर फक्त अरबाज खानच्या दुसऱ्या लग्नाची चर्चा आहे. अरबाजनं वयाच्या 57 व्या वर्षी मेकअप आर्टिस्ट शूरा खानसोबत अधिकृतपणे लग्न केले आहे.

24 डिसेंबर रोजी अर्पिता खानच्या घरी दोघांचा लग्न सोहळा पार पडला. या सोहळ्यात बी टाऊनचे बरेच स्टार्स सहभागी झाले होते. मलायका अरोरापासून घटस्फोट घेतल्यानंतर तब्बल 6 वर्षांनी अरबाजने पुन्हा दुसरे लग्न केले. ज्याचे फोटो सध्या सोशल मिडियावर व्हायरल होत आहे.

कोण आहे शूरा?

शूरा खान बद्दल बोलायचे झाले तर ती व्यवसायाने मेकअप आर्टिस्ट आहे. तिने अनेक बॉलिवूड चित्रपट आणि टीव्ही शोसाठी काम केले आहे. ती गायक तुलसी कुमार आणि अभिनेत्री रवीना टंडनची मुलगी राशा थडानीसोबत काम केले आहे. तिने हे फोटोही शेयर केले आहेत. शूराचे तिच्या सोशल मीडिया हँडलवर 13.2 हजार फॉलोअर्स आहेत. अभिनेत्री रवीना टंडननेही तिला फॉलो केले आहे. (Who is Shura?)

कशी झाली भेट..

अरबाज खान आणि शूरा खानची भेट त्याच्या पुढील वर्षी प्रदर्शित होणाऱ्या 'पटना शुक्ला' चित्रपटाच्या सेटवर झाली होती. येथेच त्यांच्या नात्याला सुरुवात झाली. दोघेही प्रेमात पडले आणि दोघांनी लग्न करण्याचा निर्णय घेतला. अखेर 24 डिसेंबरला दोघांनी लग्न गाठ बांधली. (How did both meet?

अरबाज खानने पहिल्यांदा मलायका अरोरासोबत लग्न केले होते. मात्र, या दोघांचा 2016ला घटस्फोट झाला. 11 मे 2017 रोजी दोघांनी अधिकृतपणे घटस्फोटाची घोषणा केली होती. मलायका आणि अरबाजला अरहान नावाचा मुलगा आहे.

मलायकानंतर अरबाजने मॉडेल जॉर्जिया एंड्रियानीला डेट करायला सुरुवात केली. 2019 मध्ये त्यांनी त्यांचे नाते सार्वजनिक केले. मात्र हे नातेही जास्त काळ टिकले नाही.

अरबाजने आपल्या फिल्मी करिअरची सुरुवात 1996 मध्ये 'दरार'मधून केली होती, ज्यामध्ये त्याला त्याच्या खलनायकी भूमिकेसाठी फिल्मफेअर पुरस्कारही मिळाला होता. आता तो लवकरच 'पटना शुक्ला' या चित्रपटात दिसणार आहे.