तुम ही हो' आणि 'चाहूं मैं या ना' या गाण्याने खूप लोकप्रिय झालेला आणि आपल्या सुमधुर आवाजाने रसिकांच्या गळ्यातला ताईत बनलेला गायक म्हणजे अरिजित सिंग. तो बॉलीवूडचा प्रसिद्ध गायक आहे त्याची लोकप्रियता भारताबाहेरही पसरली आहे.

तो केवळ सुमधुर गाण्यानेच नव्हे तर त्याच्या साध्या वागणुकी आणि सोज्वळ स्वभावाने देखील चाहत्याच्या मनावर राज्य करतो.

त्याने गायलेली गाणे काही क्षणातच व्हायरल होतात. त्याच्या आवाजाने तो लोकांना वेडा करतो. त्याच्या गाण्याचे ऑडिओ ऐकल्यानंतर चाहते भारावतात.

आज अरिजित हे मनोरंजन विश्वातलं खूप मोठ नाव झालं आहे. त्याच्याकडे काही संपत्तीची कमी नाही. त्याची नेटवर्थ ही 7 मिलियन डॉलरपेक्षाही जास्त असल्याचं रिपोर्ट सांगतात.

मात्र अरिजित जितका साधा दिसतो त्याच राहणीमानही तितकच साधं आहे. तो त्याच्या विनम्र आणि डाउन टू अर्थ असलेल्या स्वभावासाठी देखील ओळखला जातो. अरिजित सिंग साधं जीवन जगण्यावर विश्वास ठेवतो आणि हे त्याने अनेकदा सिद्ध केले आहे.

सध्या त्याचा एक व्हिडिओ इंटरनेटवर मोठ्या प्रमाणात व्हायरल होत आहे. अरिजित पश्चिम बंगालमधील मुर्शिदाबादमध्ये त्याच्या मूळ गावी पोहोचला आहे. त्याच्या या व्हायरल व्हिडिओत तो अगदी साध्या पद्धतीने स्कूटरवर बसून खरेदीसाठी बाहेर जाताना दिसत आहे.

स्कूटरवर किराणा खरेदीसाठी जात असलेल्या सिंगरच्या या व्हायरल व्हिडिओमध्ये अरिजित हातात बॅग घेऊन स्कूटर चालवत किराणा खरेदी करताना दिसत आहे.

व्हिडिओमध्ये अरिजित सिंग अशा वेषात आहे, ज्याला एका नजरेतही ओळखणे कठीण होऊ शकते. या व्हिडिओमध्ये अरिजित हातात बॅग घेऊन जाताना दिसत आहे. या व्हिडिओ त्याच्या आजूबाजूचे लोकही त्याच्याशी बंगाली भाषेत संवाद साधतांना दिसत आहे.

व्हिडिओमध्ये अरिजित त्याच्या चाहत्यांना हसतानाही दिसत आहे. व्हिडिओवर प्रतिक्रिया देताना, एकाने "टू डाउन टू अर्थ" अशी कमेंट केली आहे. "साधेपणाची पातळी अरिजित सिंग," तर एकानं लिहिलयं की "तो सर्वाधिक मानधन घेणारा गायक आहे."

अरिजितचा जन्म पश्चिम बंगालमधील मुर्शिदाबाद येथे पंजाबी शीख वडील कक्कर सिंग आणि बंगाली आई अदिती सिंग यांच्या घरी झाला. त्यांच्या गाण्याचे सुरुवातीचे प्रशिक्षण त्यांच्या घरातूनच झाल्याचे सांगितले जाते. अरिजितची आजीही खूप छान गाायची आणि त्याने आईकडून गाणे शिकले. गायनासोबतच आई तबलाही उत्तम वाजवते