Arjun Rampal says daughter Mahikaa : आपल्या रावडी लूकमुळे नेहमीच चाहत्यांच्या पसंतीचा विषय ठरलेल्या अभिनेता अर्जुन रामपालच्या लाडक्या (Arjun Rampal Latest News) लेकीची बातमी आता समोर आली आहे. अर्जुनची मुलगी माहिका ही देखील बॉलीवूडमध्ये येणार असल्याच्या चर्चांना उधाण आले आहे. अर्जुननं मुलीला बॉलीवूडमध्ये येण्याचा सल्ला दिल्याची (Bollywood Latest News) माहिती सुत्रांनी दिली आहे.

अर्जुन हा सध्या त्याच्या आगामी क्रॅक नावाच्या चित्रपटासाठी चर्चेत आला (Bollywood Latest news) आहे. त्यानं इंडिया टुडेशी बातचीत करताना म्हटले आहे की, मला आता तिला बॉलीवूडमध्ये पाहायचे आहे. मी तरी तिला बॉलीवूडमध्ये जाण्याचा सल्ला दिला आहे. तिनंही आपल्या वडिलांच्या पावलावर पाऊल ठेवावं अशी अर्जुनची इच्छा आहे.

अर्जुन हा त्याच्या वेगवेगळ्या भूमिकांसाठी बॉलीवूडमध्ये लोकप्रिय राहिलेला अभिनेता आहे. त्याच्या भूमिकांना चाहत्यांची मोठी पसंतीही मिळाली आहे. त्यानं आता एका मुलाखतीमध्ये लेकीच्या फ्युचर प्लॅनविषयी सांगितलं आहे. यावेळी अर्जुननं माहिकाची अभिनेत्री होण्याचं स्वप्न, तिची तीव्र इच्छाशक्ती आणि तिची अभिनयाची समज याविषयी अनेक गोष्टी सांगितल्या आहेत.

माहिकाच्याबाबत सांगायचे झाल्यास ती तिच्या स्वप्नांचा पाठलाग करण्यासाठी संघर्ष करताना दिसत आहे. महिका ही माझी मोठी मुलगी आहे. तिला अभिनेत्री होण्याची इच्छा आहे. तिला नाटकांमध्ये काम करायचे आहे. तिनं चांगलं कामही केलं आहे. मला तिच्याकडून खूप साऱ्या अपेक्षा आहेत. ती आमच्या घरातील सगळ्यात मोठी एंटरटेनर असल्याचेही अर्जुननं सांगितलं आहे.

मला माझ्या लहानपणी जे वाटायचं तेच आता मुलगी माहिकाबाबत वाटते. ती सध्या आमच्या कुटूंबातील प्रमुख आकर्षण केंद्र आहे. मला तिच्याकडे पाहून वाटतं की ती अभिनेत्री होईल. अशा शब्दांत अर्जुननं त्याच्या भावना व्यक्त केल्या आहेत. ज्याची चर्चा होत आहे. महिकानं लंडनमधील फिल्म स्कूलमधुन शिक्षण घेतले आहे. तिला मी चित्रपट काय आणि त्याच्यातील महत्वाच्या बाबींविषयी सांगितलं आहे.